Աստվածաշնչի հայտնի հատվածներ Juan 2-ից

Կիսվել

Mau ẽbẽrarãba ne poyaa waud̶akau naed̶e waud̶a Jesusba Caná puurud̶e Galilea druad̶e wausii. Maud̶ebena ichi chi Mechiu unubisii. Maka ichi baara nibabadaurãba ichi biawãra ijãasid̶au.

Maud̶e Jesusba jarasii: —Dana, ¿Sakãe bichiba mʉʉmaa naka jara b̶uma? Mʉ ewari neewẽa b̶uu.

Maud̶e Jesusba chi ne dead̶aka panuumaa jarasii: —Nau kuuru baniaba waabirubísturu. Ara makʉd̶e waabirubisid̶au. Maabae Jesusba jarasii: —Jãu b̶aꞌãra juid̶aped̶a, maabae chi uva b̶aa dead̶aka panuu mechiumaa adoésturu. Ara makʉd̶e makasid̶au.

Jesusba panausii: —Nau de mechiu ãriiduubʉrã, mʉʉba ewari õbead̶e waya waui.

Maka unusiid̶e, Jesusba soa jʉ̃kara ab̶a wau adauped̶a, maabae awara joma duabʉikasii ãchi oeja maud̶e paka baara. Chi nejarra nedobʉibadaurã ãchi sẽetao ʉrikuasii maud̶e chi mesa jãwarikuaped̶a, maabae chi paloma nedobʉibadaurãmaa jarasii: —Chi ne kaebea joma ãyaa adoésturu. Chacha de ne kaebea nedobʉibadau de waurã́sturu.