Աստվածաշնչի հայտնի հատվածներ Лукастар 11-ից

Կիսվել

Те тумен сан подле, а джянен те ден пескєре чаворенґє лаче дарункі, та акор Нєбоскєро Дад минґ федер дела Свентне Духос одаленґє, ко Лестар манґєл!

Важ ода Ме пгенав туменґє: манґєн — і дена туменґє, роден — і аракгєна, дуркінен — і пгутерена туменґє.

Бо сако, ко манґєл, худел, а ко родел, ода аракгєл, а одалескє, ко дуркінел, пгутерена.

Ов ленґє пгендя: — Кана модліненпес, пгенен авка: Даде, мі ашарелпес Тийро свентно нав! Мі авел Тийро Краліпе!

Одмук аменґє амаре бійні, бо те амен одмукас саконескє, ко аменґє камел. І на пробалін амен аврі.

Маро амаро сакодівесескєро де аменґє про сако дівес!

Тийрі якг — лампа тийре тєлоскє. Кана якг тийрі жувжі, акор цейло тийро тєлос ейла пгердо ле шветлога. Те кє туте тийрі якг подло, акор те саворо тийро тєлос ейла цма.

Кана вареко залабарел е лампа, на тговен ла те тердьол андро ґарудо тган або толо чаро, а чак про лампакєро тган, гой одала, саве заавен, мі дикгєн о шветлос.