Աստվածաշնչի հայտնի հատվածներ MAWOOKIONYI 1-ից

Կիսվել

Ruwa kahamba: “Kyendenying'u luwumbe mndu kui ofano lodu; o mfananye fodu; wawechilia makunga ha ipfo mṟingenyi na malehe ha shia ruwehu na shumasho na orukalu lose, na orio kindo kekekukuruo wanda kyose.” Ruwa kawumba mndu kui ofano loke, nyi kui ofano lo Ruwa alewawumba; mndu msoṟo na mndu mka.

Ruwa kawawikya ona, na iwawia, “Hendenyi mochifee muengeṟeke, muichuṟe masanga na ihaitoṟia; muchilie makunga ha ipfo mṟingenyi, na malehe ha ruwehu, na orio kii kiumbe kii na moo kii kunu orukenyi.”

Lya mbooko Ruwa ewumba ruwehu na oruka.

Na oruka luwei lupfu luko wewa na lo wulya. Kuwehoiye na meema huye na kulawode ma kindo kyose. Na Mumuyo fo Ruwa fuwekuengeṟeṟye alya mṟingenyi.

Ruwa kahamba, “Kuwae sa!” Kukawaa sa.

Ruwa kaambuya orio kindo alekiwumba, ate nyi shii shicha wyoo. Kukaila kukakya mfiri fukawa fo kaṟandaṟu.

Ruwa kawona sa iinjicha. Ruwa kaletsana sa na meema.

Ruwa kahamba: “Ambuyenyi, njimuinengye orio kilimu kya mbeu kii kunu orukenyi kose; na orio ikidi lyiwode mbeu kiidi kya ndunda shose shechiwa kelya kyanu.

Ruwa kadeea sa rina nyi mfiri na meema kadeea rina nyi kio. Kukaila kukakya mfiri fukawa fo kuwooka.

Ruwa kahamba, “Kuwade maloalo makidi hawi ha mamṟinga.”

Na kelya kyamando ha kunu orukenyi; na kya malehe ha ruwehu; na kya orio kiwumbe kii na moo kekekukuruo wanda; maṟaho hose na shilimu, nyisho kelio kyanu.” Kikawekuwiia kido.

Ruwa kahamba, kuwade shiende sa alya ruwehu sheletsana kio na mfiri, shiwewa sheloṟa shichano, na shiheri na mfiri na maka.

Ruwa kahamba: “Oruka luoṟe mmeṟa na shilimu shii na mbeu yasho na mashidi ha ndunda hai na mbeu yaho ipfo kiidi kya ndundatso” kikawewa kido.

Maloalo halya hakaletsana mṟinga fukeri shia maloalo na mṟinga fukeri huye ya maloalo.

Oruka lukaoṟisha maṟa, shilimu shiwode mbeu, mashidi ha ndunda tsiwode mbeu ipfo kiidi kyatso; Ruwa kawona ke kii kicha.

Ruwa kawika shiende sa shiwi shing'anyi; Kilya king'anyi kichilie mfiri na kilya kitutu kichilie kio; kawika na nyenyeri-daa

Ruwa kahamba: “Mṟinga fukeri shia ruwehu fuhende ikuwumbya handu hamu kukewonekaho handu hahadutsu.” Nakyo kikawekuwia kido. Ruwa kalaha handu halya hahadutsu nyi Oruka; na alya handu mṟinga fukuwumbye nyi Ipalyipalyi. Ruwa kawona ke shii shicha.

Ruwa kashiwikya ona kechihamba: Pfumbukenyi muengeṟeke muchuṟe ipfo ipalyipalyinyi, na malehe hafo kunu orukenyi.

Ruwa kahamba: “Oruka lualutse shindo shii na moo kui mbaṟi yasho, shuma na shindo shekukuruo wanda, na mando ha ngeṟenyi kui mbaṟi yaho.” Nakyo kikakuwia kido.

Ruwa kahamba: “Mṟinga fuichuṟo nyi shindo shii na moo. Na malehe hawerunduka ipfo orukenyi shia maloalo ha ruwehu.”

Ruwa kawumba mando ha ngeṟenyi kui mbaṟi yaho, na shuma sha mba kui mbaṟi yasho; na orio kyose kekekukuruo wanda kui mbaṟi yasho; Ruwa kawona ke shose shii shicha.