Աստվածաշնչի հայտնի հատվածներ Bo Bolɛ 37-ից

Կիսվել

Kpɛkuun Zozɛf cɛnnin laliɛ kun ɔ kan kleli i niaan mun. Laliɛ sɔ'n ti bé nyin cili i trali su.

Izraɛl kusu klo Zozɛf tra i mma'm be kwlakwla. Kɛ b'ɔ Zozɛf ti Izraɛl i kpɛnngbɛn nun ba'n ti'n, ɔ kpali wlengbi tralɛ klanman kpa kun mɛnnin i.

Kɛ i niaan'm be wun kɛ bé si klo i tra be'n ti bé nyin cili i. Be nin i kwla kan-man ndɛ wɛtɛɛ su.

Zozɛf cɛnnin laliɛ kun ekun nan ɔ'a kan kle i niaan mun. Ɔ seli be kɛ: «M'an cɛn laliɛ kun ekun. Wia nin anglo'n, ɔ nin nzraama blu-nin-kun be kotoli mín bo.»

I niaan'm bé nyin bloli i wun. I si kusu fali sa sɔ'n sieli i klun.

I waan: «An `sie bé su be `tie laliɛ nga n cɛnnin'n. E ɔli ble kpɛlɛ, e cicili i sɔlɛ-sɔlɛ kpɛkuun min ble sɔlɛ liɛ'n ɔ'a jaso ɔ'a jran nglo. Amun liɛ'm be bo sin yiali min liɛ'n nan b'a koto i bo.»

Sɛ ɔ ju wa'n, man e kun i. I sin e `fɛ i fuɛn'n e yi i kunman nga'm be nun kun nun nan e se kɛ nnɛn wlɛfuɛ wie dili i. I liɛ'n, kɛ i laliɛ'n i bo ´fa gua'n yɛ e wa wun i-ɔ.»

Kɛ Madian aata difuɛ'm be ´sin'n, Zozɛf i niaan'm be yili i kunman'n nun fiteli nan b'a yo i atɛ Ismaɛlfuɛ sɔ'm bé sa nun. Sran sɔ'm be toli i jɛtɛ mma ablaɔn nan be nin i b'a ɔ Ezipt.

Be seli be wiengu kɛ: «An `nian laliɛ cɛnfuɛ'n yɛ ɔ ´ba lɔ lɛ-ɔ.

Kɛ be wunnin i mmua lɔ'n lele b'ɔ fa ju bé wun lɛ'n, wuun b'a cici kɛ be `kun i.

Ribɛn seli be kɛ: «Nán an kun i, an `fɛ i be yi i kunman ng'ɔ o aawlɛ flɛnnɛn'n nun yɛ'n i nun. Nán amún sa kɛn i.» I waan ɔ ´yo sɔ nan ɔ ´de i bé sa nun nan ɔ ´fɛ i ´sɛ i sin i si wun lɔ.