Աստվածաշնչի հայտնի հատվածներ Jâan 14-ից

Կիսվել

«Më gbötə̂ zɨtɨ su sə̈ nyê, zɨtɨ su ndə̂ më wâ la rə̂ kä ndə̂ më zâ rə̂ sə̈ nyê. Më zâbo rə̂ sə̈ nyê batə̂ rə̂ ndə̂ tchêbêche za rə̂ sə̈ nyê-a. Âwâbo pä tchə̂lə̂ küma nyê djingɨli-a, ânyë su nyê wäbô ndjë wâ la wawa-ê.

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jezü tö rə̂ päkëdə̂: «Su nyê djïngɨliabô djîngɨli-î! Nyë zä su nyê sə̈ Ndjapä, kə̂ za ndjë su nyê sə̈ mê.

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Akrə ndə̂ tche nyîndə̂ mê, tche də̈ akrə ndə̂ tchê bata andïɛ̈ ndə̂ mê, ânyë kə̂ mbo rə gundə̂sə̂ nə̈. Bha mê nyiadje ndə̂ akrə ndə̂ tche nyîndə̂ mê. Mëmê ndjë gbɛ̂ mê nyiadje ndə̂ yê, kə̂ madje tə̂ mê sə̈ tchë.»

Mê yuadje Bha mê ndə̂kə̂ pa tche za ngâ akrə ngbî, tche za könô sə̈ nyê ânyë kə̂ sə ndrotə̂ nyê pïï etə̂. Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Rə gbɛ̂ ndə̂ nyê yuadje kû nə̈ la rə̈ mê, mê mboadje rə̂ ndə̂kə̂ pa azü lusə̂ Bha mê lə̂ köbosə̂ Modô nə̈. Âdə nyê âyukû ngâ rə la rə̈ mê, mê mboadje rə̂.»

«Âdə nyê ânyində̂ mê, kə̂ batadje andïɛ̈ ndə̂ mê.

Bhâ tchâalê ndə̂ Bha mê, sə̂ tchô ngbä tə̂ gbölösə̂nə̈. Ârə̂ âdəabô də̂ käko, dëkë mê toabô rə̂ sə̈ nyê alême pä mê eadje ndə̂kə̂ nyikrə ngâ tchô bëte nyê tee-a.

Âdə më âe kə̂ nyikrə tchô bëte nyê, mê kadje ngbâ mê ndə̂kə̂ kʉ nyê potə̂ mê, ânyë sə̂ tchô ndə̂ mê sə tâ, nyënyê ndjë gbɛ̂, nyê sə ndjë tâ.

Tomä tô rə̂ sə̈ tchë päkëdə̂: «Gbölö Gbïɛ̈, ârâ wûn-âbo sə̂ tchô ndə̂ mo e atə̂ tâ lâme-a. Ârâ âwunsə̂ köbo nə̈ tchïtchïnə̈ atöko?»