Աստվածաշնչի հայտնի հատվածներ Enkiterunoto 17-ից

Կիսվել

Ore pee eaku Abram oloo larin intomoni naaudo o naaudo neipang'aki Olaitoriani ninye nejoki, “Kara nanu Enkai Magilani, toning'oki nanu nias isupati

Mikintokini aajo enkarna Abram, kake keaku aikiji enkarna ino Abraham amu kaaitaa iyie menye loo lororani too loshon.

Naa kaitasheyie nanu osotua lai te rishata ai o iyie o eishoi ino indipa iyie atulusoi tiatua iishoritin enye olning'o lo sotua lai loo ntarasi. Naa kaaku Enkai te iyie o tenebo eishoi ino nikisuju.

“Ing'ura etii osotua lai tenebo iyie, naa iyaku menye loo loshon kumok.

Nejo Enkai, “A'a, kesipa eikiiki enkitok ino Sara enkayioni, naa impot enkarna enye ajo Isaak, naa kaitasheyie osotua lai o ninye, metaa osotua loo ntarasi o too iishoritin naapuonu te siadi ninye.

Naa kaaisho iyie tenebo o eishoi ino nikisuju enkop nitaayie omoni o enkop pooki e Kanaan metaa enino o ntarasi naa kaaku Enkai enye.”

Nebatata Abraham te nkomom enye nekueni eirorie kewan nejo; “Keikini enkerai olpayian kitok oitabayie ilarin iip nabo? Keidim Sara naitabayie ilarin ntomoni naudo atoiu enkerai?”

Nejoki Enkai Abraham, “Ore Sarai enkitok ino, mintoki aipot ninye ajo Sarai, kake keaku keji enkarna enye Sara.

Kemurati intae isuaten oo seseni linyi, naa keaku ina olmonekie lo sotua te rishata ai o ntae.

Kake kaitasheyie nanu osotua lai te Isaak, aikiiki Sara iyie te rishata naaijo ena, telde ari olotu.”

Ore pooki ng'ae oitabayie inkolong'i isiet naa kemurati, pooki lee tiatua iishoritin pooki, oloba anaa olotoiwuoki te nkaji ino, anaa oloinyang'uaki too mpisai inono te pooki omoni leme oinoti linyi. Ore ilo oino te nkaji ino o ilo oinyang'uno too mpisai, nemurati pokira. Metaa ketii osotua lai atua iseseni linyi anaa osotua loo ntarasi