Աստվածաշնչի հայտնի հատվածներ HLIMI 9-ից

Կիսվել

Nyɛʔɛlɛ à li yo nɛ: «Ye wèlé, yoflimi nofele li jɛnlɛ lí la la mí bi dyɛʔɛ lí po wa mì nì, yèé ní wò kpafoʔo ni, ní nyuwyeʔe yrɛbɛ pì bɛfu ní. Mà kpe alaʔa na, lí bi bo nyiŋi kì bɛfu wolo hɛɛn bee ma pé bi bo naʔa tra na de. Mí bi na kpɔlɔ pa le wa fara na de li po yoflimi nofele li jɛnlɛ, yoflimi nofele la lí nyɛ wa mì nì tra woo ní wò kpafoʔo ni ge.

Pa mi kpɔlɔ wele le bi honri bì lama to bajeja yoflimi nofele la na mi dá gon tra nyuwyeʔe yrɛbɛ pì bɛfu kala na le.»

Hɛn ŋa wí bi hɛn wà kpo, pa wà bí ba wiì kpo we kpo. Mɛjɛn Nyɛʔɛlɛ li dá hɛn hanri li lɛgɛ na.

Nyɛʔɛlɛ à li frɛmɛ pa Nowe na we ní wi pii ní màʔa yo pé ma mà yo: «Ye he, ye nyɛʔɛ, ye tra tì bɛfu nyi.

Yraʔa kì bɛfu ga kí na kpoʔoro má po nyuwyeʔe na yé bi gban bì da pi ka. Nɛ pa mi dá akaba kan ye ma pomo ma na, mí ma ki wobo pì bɛfu kan ye ma.

Yé bi da fyara wa ajobo pì bɛfu na ba pí nyɛ naʔa tra na de kajɛnʔɛ ní, aflolobo ní, ní fyɔɔ ní. Mí ma pi kân ye ma.

Di yèé be, ye pii he, ye nyɛʔɛ, ye craʔa fafaʔabaa naʔa tra na de.»