Աստվածաշնչի հայտնի հատվածներ San Lucas 3-ից

Կիսվել

Goka kati Juan zee rhosieloke yogokate', le'aksikan Jesús bosilawe; te tzalaka rledze Diozo, xhan yeba' byalhaj te Be'egrasia ki Diozo betaj galha zee, ka' to gbeo, te bye'an to chi'i bene lo yeba', te rne'a: —Loe' nakalho Xhi'inha rhe'akieda, no' nabeaja.

Juan gochhie yogokate': «Ne'adia, talite'a, rhosialolhe le'an nisa; le'a wida to bene yosielolhe le'an Be'egrasia ki Diozo le'an gui'i. Le' nake mazirhe xhen ka' ne'adia, nika rdolaza yese'achhia guidi xelhe.

Leskoa chhia'a kinda gakabe'a tan chibeyakale ki Diozo, te biye'alhe leza'alhe: "¡Ne'ato rhaka xozixhtoto Abraham!"; Le'a ni rnia' tali le'aksikan ka guiaj ni Diozo wake yonhe xhi'in Abraham.

Le'aksikan, guiawaga chidia' koasa kinda xhchogo yaga lo luete. Yogote'a yaga ta labi rhona tazixi wen, xhchogoke te ko'oke lo gui'i.»

Ten goka ka' zoa lo guichi ki bene btzalaje laza Diozo grelawe Isaías: «To chi'i bene naye'an lo yo' bichhi: "Legon neza ki Diozo; lesalhaj to neza lhi'. Yogote'a yo' lachi yedza', yogote'a guia' kan guia' sibi yeyaka le'abi, ka neza yoko yeyaka lhi', le'an ba'agazi yeyaka neza nayoko. Sdo xhen lichhileyo' sle'ekene yelawela rsela Diozo."»