Աստվածաշնչի հայտնի հատվածներ Matyo 6-ից

Կիսվել

Lə́ peg nə́ ńchwaalə̂ pə́ anuə nəfoonə ají ḿbɨ ḿbə́ nə́ mə tɨ́ nə́ ndə̌ŋdəŋə́, a yǐ tíʼ ə́fɛ̂ əpú pɨ ətsəmə á mbô pəənə́.

Lə́ələ́ pə́ ńgə́, kɔ nə́ jwaʼ mbɨ əjɨ ńté mənu mə́ ngwɛʼə́, ńté ńgə́ ngwɛʼə́ ə́ yǒ túg məmí mənuə. Tíʼə alěmbîə atsəmə á túg əjǐ ngə́ʼ páʼ ə́ koʼnə̂ nə́ yə́.

“Ńdaŋ ə́lɨ́d maŋ fiʼtə̂ áwɨ́ ńgə́, kɔ nə́ jwaʼ mbɨ əzɨ ńté nchîmbî əzəənə́, nə́ ajú páʼ nə yǐ nə́ jî kɨ nô kɨ ńté mbɨ əzəənə́, nə́ ajú páʼ nə yǐ nə́ wê. Nchîmbî əzɨ ə́ kě pɔŋ ńtsɛ məjî? Mbɨ əzɨ ə́ kě pɔŋ ńtsɛ ətsəʼ?

Lə́ mbɔʼ nə tə́ ńchaʼtə́sê, nə kwú ńgɛnə̂ á mə́m ntaŋ ńgwuʼnə̂ ntsǒndɛ̂ ńtíʼ ńchaʼtə́sê á mbô Tǎ əwɨ páʼ pə́ kě nə́ yï zə́ənə pô. Tǎ əwɨ páʼə ä jɨ́ nə́ anuə atsəm páʼ pə́ ghɛd nə́ nəlyaŋnə́ a yǐ tíʼ tsɔ́ʼə afaʼə azə́ənə́.

Lɛ̌ ndzaŋ mbɔʼ nə́ tíʼ ńchaʼtə́sê.” Tǎ əwəg páʼə a chî nə́ á nəpó, ghɛd pɨ pə́ tə́ ńgóʼkə əlɛ́n gho, Anuə nəfoonə azô á yǐəə, Pə̈g faʼə̂ pə́ anu páʼ gho lɔ nə́ á ndu ndəsê, tsɔʼə ndzaŋ pɨ páʼ pó chî nə́ á nəpó pó faʼ nə́.

Fɛ̂ məjî mə́ koʼ nə́ á mbô pəg ə́sɛ̂nə̌.

Ləgnə̂ pəfankə pə́g, ndzaŋ pəg kə́ nə́ ńdəgnə̂ pi pə́ pɨ páʼ pó fankə̂ nə́ á mbô pəgə́.

Kɔ gho ghɛd pəg kwúnə á mə́mə akwaʼlə, lə́ ghɛd pəg lə́ʼə Ŋwu Təpɔŋə.

Ńté ńgə́ mbɔʼ pɨ ləgnə̂ pətəpɔŋ páʼ pɨ pə́ ghɛd nə́ á mbô pɨ, Tǎ əwəənə́ á nəpóolə a yǐ ńkə́ ńdəgnə̂ pəpə́ənə́.

Náŋ nə pəsə́ŋ pə́ zagnə̂ nə́ atǐə, pó kě əpü pǐə pô, ńkě kə́ ə́foʼə̂ ńnéŋə á mə́m mənkye pô. Lə́ Tǎ əwɨ páʼə a chî nə́ á nəpóolə a pə́ ḿbɛ́lə ńdzə́gə ághóobə́. Nə kě chígə́ ə́səglə̂ ńtsɛɛlə̂ ághɔ́b?

Kɔ nə lɔʼkə̂ apeʼə azə́ənə́ á ndu ndəsê páʼ əsəʼ pópə ate yǐ nə́ tə́mə́sɛ́ ə́wə́, pəzə̌ pə́ kə́ ḿbə́ʼ ńkwú ńdzəələ̂. Lə́, lɔʼkə̂ nə́ apeʼə azə́ənə́ pə́ á nəpóolə páʼ təmbɔʼ əsəʼ pópə ate kě sɛ́ ə́wɨ́ tə́m pô, pəzə̌ pə́ kě ə́wɨ́ kə́ ńkwú ńdzə pô. Ńté ńgə́ aliʼ páʼ afoʼə azə́ənə́ á chî nə́ ə́wɨ́, lə aliʼ páʼ ńtɨ́ əwɨ́ ə́ yǐ nə́ kə́ chî ə́wə́.

Mbɔʼ ŋwunə a kě á mbô pətǎ pɛ́n pɛ̌ faʼ pô. A yǐ peenə̂ táʼ, kɔŋə̂ táʼə, kɨ zóʼnə táʼ wágə táʼə. Mbɔʼ gho kě á mbô Əsê pó nkáb nɔd ə́faʼ pô.

Mbɔʼ lɛ̌ pə́ ndzaŋ páʼ Əsê a wê nə́ ətsəʼ nə́ nəyeŋ páʼ a chî nə́ kɔŋ ə́sɛ̂n, á lǒo ḿbə́ a ngwɛʼə́ pə́ maʼə̂ á mə́m móg, a yǐ kě əpô pyádnə chígə́ wê. Wə̌ə, mbimə́ əjɨ chígə́ ńkə́g lɛ ə́lɛ́?

Lə́ təmbɔʼ nə́ tə́ ńkwáalə mbóŋ, kɔ nə́ ghɛd apô azɨ́ yə kwaabə a jîə anu páʼ apô azɨ́ yə təənə á faʼ nə́. Ńjî ńgə́ akwáalə azə́ənə́ á chîə nəlyaŋnə́, Tǎ əwɨ páʼə ä jɨ́ nə́ anuə atsəm páʼ pə́ faʼ nə́ á nəlyaŋnə́ a tíʼ ńtsɔ́ʼə afaʼə azə́ənə́.”

“Lɔg nə́ ndɛd ńgə́ kɔ nə́ yǐ ńtə́ ńgɛlə̂ mənu mə́ tɨ́ nə́ ndə̌ŋdəŋə́ á mbi pəənə á pə́ ńgə́ pó zə́ənə, mbɔʼ pɨ ghɛd ə́lɨ́d, pɨ yǐ ńkě ntsɔ́ʼəfaʼə á mbô Tǎ əwəənə́ a nəpó kwá pô.”

Mbɔʼ nə́ chîə á mə́mə achaʼtə́sênji, kɔ nə́ ghɛd əshî ə́wɨ́ ə́ túgə asɔbnə ándó ngaŋmə́fɨg ghɛd nə́ lə̂. Pó ghɛlə̂ məshî mɔ́b mə́ pə́gə ńjî ńgə́ ŋwu ntsəmə a jî ńgə́ pó tə́ ńgɛlə̂ achaʼtə́sênjiə. Mäŋ fiʼtə̂ áwɨ́ nə́ ndə̌ŋdəŋ ńgə́ pó pɛ́dtə ńkwá ntsɔ́ʼəfaʼ əzoobə́. Mbɔʼ nə́ tə́ ńgɛlə̂ achaʼtə́sênji, nə́ sog əshî əwɨ́, ńdzɔ́ʼ nə́ məghɔ́d ńtíʼ ə́shaabə̂ atûə ajɨ́, ńjî ńgə́ kɔ pɨ pə́ jî ńgə́ pɨ tə́ ńgɛlə̂ achaʼtə́sênji tə ńdéʼtə Tǎ əwɨ páʼ pə́ kě nə́ yí tə́ ńdzə́ənə pô lə̂. Tǎ əwɨ páʼə ä zɨ́ nə́ mənu páʼ mə́ chî nə́ á nəlyaŋnə́ a yǐ tsɔ́ʼə afaʼə azə́ənə́.