Աստվածաշնչի հայտնի հատվածներ Chiyambo 3-ից

Կիսվել

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Sono njoka yenga yakuchenje kwakuruska chamoyo chose chamu dondo cho Ambuya Chiuta wanguchita. Yinguti ku munthukazi, “Kumbi Chiuta wanguti, ‘Mungarghangapo cha vipasi vya muti we wose wamu munda wo’?”

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Ku Munthukazi wanguti: “Ndikandaniskanga ukongwa urwirwi wako pakuzuwuka, ukapapanga ŵana mu urwirwi; kweni utunthwiyenge murumi wako, ndipo iyo watufuliyenge iwe.”

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Ndipo kwaku Adamu wanguti: “Chifukwa wavwiya mazu gha muwoli wako, ndipo warghapo muti wo ndingukuchenjezga kuti, ‘Ungarghanga cha,’ njakutembeka nyata yo chifukwa chako; mu kutakataka ukarghanga vyake mazuŵa ghose gha umoyo wako

Iyo wanguti, “Njani wangukunene kuti wenga nkhuli? Kumbi wargha vya muti wo ndingukuchenjezga kuti ungarghapo cha?”

Wangumudikiskiya kubwalo munthu; ndipo ku vuma kwa munda wa Edene wanguŵikako ŵaKerubi, ndi lipanga lakulipuka lo lang'anamukiyanga kose-kose, kuvikiriya nthowa yakuya ku muti wa umoyo.

Munthu yo wangudana zina la muwoli wake Eva, chifukwa wenga nyina wa ŵamoyo wose.