Աստվածաշնչի հայտնի հատվածներ Romanos 4-ից

Կիսվել

Janiw pächascänti Diosan arsutapatjja, ucampis juc'ampwa ch'amañchasïna, iyawsañapasti juc'ampïnwa, Diosarusti yupaycharaquïnwa, take chuyma catuyasisina, Diosajj ch'amanïtapa cuntejj sisquejj ucanaca phokhañataqui.

Dios nayrakatansa, qhitirutejj jupas iyawscaraquïna, cunjämtejj Diosan arunacapajj sisqui ucarjama: “Walja jakenacan awquipäñapataquiw lursma” sasa. Diosajj jiwatanacarojj jacañwa churi, cunanacatejj jan utjquis ucanacarusa utjcaspas uqhamwa utjayi.

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Abrahamajj janis cun suyt'cchïna ucasa, iyawsatap laycuwa uca suyt'äwipajj phokhasïna, uqhamatracwa walja jakenacan awquipajja, cunjämtï Diosajj juparu siscatayna ucarjama: “Juman wawanacamajj uqhamäniwa” sasa.

Abrahamar arsutäcäna wawanacapataquisa ucajja, iyawsäw tokew phokhasiñapäna mä wajjt'asïwjama catokañataqui. Ucasti janiw leyirjam sarnakerinacataquïquiti, jan ucasti Abrahamjam iyawsirinacataquiraquiwa. Ucatwa jupajj take jiwasanacan awquisajja.

Davidajj saraquïnwa: “¡Cusisiñanïpjjewa qhitinacarutejj Diosajj juchanacapat pampachqui ucanacajja. Jan wali luratanacapasti pampachatäjjaraquiwa! ¡Cusisiñanïpjjewa qhitinacatejj juchanacapat jan juchañchatäpqui ucanacajja!” sasa.

¿Camsis Diosan arunacapajja? “Abrahamajj Diosarojj iyawsänwa ucatwa Diosajj juparojj asquita catokäna iyawsatap laycu.”