Աստվածաշնչի հայտնի հատվածներ JOHANA 15-ից

Կիսվել

Nĩ niĩ mũthabibu, nĩ inyuĩ honge; ũrĩa ũikaire thĩinĩ wakwa, na niĩ ngaikara thĩinĩ wake, ũcio nĩaciaraga maciaro maingĩ; amu-rĩ, mũtarĩ hamwe na niĩ mũtirĩ ũndũ mũngĩhota gwĩka

Ikaragai thĩinĩ wakwa, na niĩ njikare thĩinĩ wanyu. O ta ũrĩa rũhonge rũtangĩhota gũciara maciaro rũĩ ruiki, rũtegũikara thĩinĩ wa mũthabibu-rĩ, noguo na inyuĩ mũtingĩhota, mũtegũikara thĩinĩ wakwa.

Mwaikara thĩinĩ wakwa, nacio ciugo ciakwa ciaikara thĩinĩ wanyu-rĩ, hoyagai ũndũ o ũrĩa mũkwenda, na nĩmũgekwo guo.

Ti inyuĩ mwa’thurire niĩ, nĩ niĩ ndamũthurire inyuĩ, ngĩmwamũra, nĩ getha mũthiĩ mũciare maciaro, namo maciaro manyu matũũre; nĩguo ũndũ o wothe mũkahoya Ithe witũ na rĩĩtwa rĩakwa, akamũhe.

Gũtirĩ mũndũ wĩ na wendani mũnene kũrĩ ũyũ, atĩ mũndũ arute muoyo wake nĩ ũndũ wa arata ake.

Rũhonge o ruothe rũĩ thĩinĩ wakwa rũtaciaraga, nĩarũcehaga akarũeheria; na rũrĩa ruothe rũciaraga nĩ gũtheria arũtheragia, nĩguo rũciare mũno.

Rĩrĩ nĩrĩo rĩathani rĩakwa, atĩ mwendane inyuene, o ta ũrĩa niĩ ndĩmwendete.

Ũndũ ũngĩgoocithia Awa no atĩrĩ, no mũciarage maciaro maingĩ, na nĩguo mũgĩtuĩke arutwo akwa.

NĨ niĩ mũthabibu ũrĩa wa ma, nake Awa nĩwe mũrĩmĩri.

Mũndũ aaga gũikara thĩinĩ wakwa, nĩ gũteo ateagwo ta rũhonge, akoma; honge icio igakĩũnganio, igaikio mwaki-inĩ, ikahĩa.

Ndamwĩra maũndũ macio, nĩ getha mũgĩe na gĩkeno kĩrĩa ndĩ nakĩo, nakĩo gĩkeno kĩanyu gĩkinyanĩre.

Mwatũũra mũmenyereire maathani makwa, mũgũikara o na wendo wakwa, o ta ũrĩa niĩ ndũire menyagĩrĩra maathani ma Awa, ngaikara o na wendo wake.

Ndĩramwatha ũguo nĩ getha mwendanage.

Mũngĩrĩ a gũkũ thĩ, arĩa a gũkũ thĩ nĩ kwenda mangĩenda arĩa ao; no tondũ mũtirĩ a gũkũ thĩ, tondũ niĩ nĩ kũmũthura ndamũthurire thĩinĩ wa arĩa a gũkũ thĩ, nĩkĩo kĩrĩndĩ gĩa gũkũ thĩ kĩmũthũire.