Աստվածաշնչի հայտնի հատվածներ YOHANES 2-ից

Կիսվել

Ari tibag ane Yesusen enehangge eke uwan tuk fugmu enehangge tamon ari Galilea kinang fam o Kanaen tibag. Fobik fano ane tuhukon yet hahup ulug enehangge tibibag. Enehangge tibibag ane ino Yesus otsiyen yet hibareg Yesus fahet tem toho ulug inindi wenggel haruk latfag.

Yesusen uruk lit, ”Nisinga, Anden nungge ane hiyag hitmin,” ibareg, ”Anden tuk teg ane uwan lahi,” ibag.

Weregman Yesusen ap seni esetuk latfag inap hiyag isaruk lit, ”Kubag arima ik ololop tibil aliyek,” ibagma ololop toho hinanggo feruk latfag. Hinanggo fibagma Yesusen te, ”Ik tot hinanggoho walihipteg seni ngi roho eserehek ahun ino og irik lalihip,” ibagma hinanggoho walug libag.

Kapal hibagma Yesusen, ”O Allah ibam aru halog tibisiyek, we hinahanam ubalma wiri fesuhuken,” ibag.

Ari turukmu kim isibareg hele fetnengge mase roho ki reg lit enembohomet enebeyet Allah ibam inowen yanggaloho wilip enepfag. E pila uang emberuk ambeg ino hebel isibareg uang arimano kinang ke hilil isibagma linggik-longgo ibag. Suwe yalma ayeg waroho waruk latfag inap arimano unubam, ”Hiren angge aruma obog toho o aruwen hilalug lalihip. An Nikni ibam hiren mun angge man angge ayeg waroho waruk ibamap tirikip,” ibag.