Աստվածաշնչի հայտնի հատվածներ YAHYA 19-ից

Կիսվել

Sesampun Deside Isa inem anggur saq pedis nike, Ie bemanik, “Sampun selesé!” Beterus Ie nundukang sirah-Ne dait nyerahang nyawe-Ne.

Deside Isa wikan bahwe mangkin selapuqne sampun selesé, dait napi saq tetulis dalem Kitab Suci adéq telaksane. Ie bemanik, “Tiang bedak.”

Sewaktu Deside Isa cingakin mamiq bini-Ne dait pengiring-Ne saq Ie kasihin nganjeng léq derike, Ie bemanik léq mamiq bini-Ne, “Inaq, niki bijende.” Beterus Deside Isa bemanik tipaq pengiring-Ne nike, “Nike mamiq bini side.” Mulai waktu nike pengiring-Ne nike nerimaq mamiq bini Deside Isa meneng léq baléne.

Laguq sewaktu ie pade dateng léq arepan Deside Isa, ie pade serioq Deside Isa sampun ninggal. Make ie pade ndéq molakang cokor-Ne. Laguq salaq sopoq léman prajurit nike galah woteng Deside Isa kadu tumbak; dait waktu nike éndah sugul daraq dait aiq.

Hal nike telaksane adéqne genep napi saq tetulis dalem Kitab Suci, “Ndéq sopoq juaq tolang-Ne gen tepolakang.” Léq dalem Kitab Suci éndah tetulis: “Ie pade gen perhatiang Ie saq sampun ie pade galah.”

Deside Isa sugul sambil ngelémbah kayuq salib-Ne ojok taoq saq aranne “Taoq Jerangkong”. (Léq dalem base Ibrani tesebut, Golgota.)

Prajurit-prajurit miaq sopoq mahkote léman pémpang-pémpang beduwi, terus kaduangne léq sirah Deside Isa. Sesampun nike ie pade kaduang Deside Isa jubah warne lempok lomaq