Աստվածաշնչի հայտնի հատվածներ MATIUS 27-ից

Կիսվել

Pa wabba tallu maddha lodho he, ta peka ke Yesus nga hahhi lipeka do dhai talla tarra, ”Eli, Eli lama, sebakhtani?” kipebhale ma lirai di, ”Wo Ama Ya, wo Ama Ya, ta nga ke hak ku jhane ya ri Au?”

Bhalla wata do pa dhara Ammu Deo ne, tore bhagi dhue rai ngati dhida lo he ma dha'i. Dakka dhai-ei nga lede-lede wowadu mehakka tora-tora, Raidare-raidare boka-anni, jhe ae ne annu-niki Deo do pekaddhi bhale wari.

Moko ta peka ri ke Yesus nga lipeka do maddu, jhe tule ri No ne henga No do pedakka rahi ne.

Ne kattu horodhadhu ne nga do horodhadhu do jage Yesus he, ta meda'u ke do dho ie ta nga-nga ri dakka dhai-ei ne, nga ri hari-hari lai do jadhi he. Ta lii ke ro, ”Tarra, No dhe, Ana Deo tarra!”

Pa awe nattu lodho kewore mawo ta jhalle, pa dhara tallu jaa ne tui, ta kerabba guru rai hari hewue ihi rai do naanne.

Ta kebhali ri ke Pilatus pa ro, ”Ki do mina harre ma, ne nga ke ne do jhamma ta tao ri ya penaja nga Yesus do pale ta Kristus ne?” ”Ketoe No peabbha-rappa!” ne bhale ri ddau lowe he hari-hari. ”Tapulara lua tao apa ne nga ke ne do tao ri No?” ne kebhali Pilatus ri pa ro. Moko ta peka ke ro do rihi maddu, ”Ketoe peabbha-rapa No!”