Աստվածաշնչի հայտնի հատվածներ Matius 13-ից

Կիսվել

De o gisisi itutura o tona dalolohaku ioho daloha, gena imatero bato o nyawa o Gikimoi Awi demo magena yoiseka, de yosihoda de manga sininga ma rabaka imadiahi, so igogou o manara daloloha yaaka. Kanaga manga manara daloha sidago ma sopo ma para ratu moi, kanaga manga manara daloloha sidago ma sopo ma para moributanga, de kanaga lo manga manara daloloha sidago ma sopo ma para moruwange. Sidago kanena.”

O gisisi ma binuka itutura o tona datototopoku so o totopo yalalo so isoneka, gena imatero bato o nyawa o habari daloloha magena yoiseka. Duma ona magena isihawateri ma ngale manga oho, de lo yodupa yokaya. Komagena o Gikimoi Awi demo yosingou kawa, de o manara daloloha lo yodupa kawa.

O gisisi ma binuka o ngekoka o namo yaodo gena, imatero bato o nyawa yoiseka o Gikimoi Awi habari, duma yosihodawa, so o Iblis wahino de wakoora to ona manga sininga ma rabano so isisaka.

O gisisi ma binuka itutura o tona datetetoka ioho duma damalaika, gena imatero bato o nyawa yoise o habari daloloha de gila-gila yadehe de manga sininga isosanangi. Duma koloko ma ngutu ilukukuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona ma Jou wipalako so imakiliho de ikafirika.

O Yesus wotemo, “Nakoso ngini nidadi o Gikimoi Awi nyawa Awi pareta ma rabaka, magena foloisi daloha. Magena idadi de imatero maro o ade-ade manena: O nyawa moi kanaga wamake o guraci o tona ma rabaka, maena gena foloi ihali, de gila-gila watalake kali. Kagena de una awi sininga ma nali, so una asa wotagi awi tahuka, de awi arata dangodu wosiija de womakiliho so o tona, kiaka o guraci wamamake gena, waija.

O gisisi ma sonongali asa itura o tona dalolohaku. So ioho ma goho ifero daloha de ma hutu ilamo so isopo. Ma sopo kanaga daloha sidago ma para ratu moi, de ma binuka daloha sidago ma para moributanga, de ma binukali daloha sidago lo ma para moruwange.

Hika niodamaha kasi o nguusu magena lo ioho sidago o gugutu ma orasi yaado. Kagena de ngohi asa youutu tasulo la o nguusu gena yarapu idoma kasi, la yatolomu de yapiliku, la yatupuka. Dabolo de asa o tamo yautu de yatolomu, la yadiahi o polaka.’ ”