Աստվածաշնչի հայտնի հատվածներ YOHANES 16-ից

Կիսվել

Au u'uab ale lasi i neu ki, he nati' hi mipeni tetus aomina anbi Kau. Of hi mipeni hamu'it bi pah pinan, mes mimepan hi nekam. Au is ulali pah pinan.”

Mes leka Smanan Amneot nem, of In topu ki neu amneot, fun In of ka na'uab fa na'ko In aon, mes sa' le In nen of In na'uab nani ma In an etu ki neu ale lasi le of anbol.

Talan te leku i hi kam totif sa' anbi Au kanak. Him toti nai, ma of him simo, he nati' hi amlilat nane nanokbon.

Mes namneo le Au eut ki lasi: Leko nesi neu ki leka Au nao. Fun kalu Au ka nao, Atuntakus nane of ka nem fa neu ki. Mes leka Au nao of Au sonu In neu ki. Ma leka In nem of In nabe'ab pah pinan neu sanat, amneot ma lef lasi

Onane amsa neu ki. Leku i him susal, mes leka Au mit amteni ki, hi nekam of namlil, ma katit fa atoni mese he nasik nan hi amlilat nane. Ma anbi neno nane of hi ka mitan fa sa' neu Kau. Au ak ki: Tebes sa' le him toti neu Ama anbi Au kanak of In anfe nani neu ki.

Au ak ki: Tebes of hi amkae ma amkul, mes pah pinan of namlil. Of him susal mes hi susal nane anfani amlilat.