Աստվածաշնչի հայտնի հատվածներ LUKAS 22-ից

Կիսվել

“Bapak,” kheun Gobnyan, “Meunyoe jeuet, neupeujiôh kheueh nibak Ulôn peundeuritaan nyang harôh Ulôn rasanyoe. Teuma bék kheueh meunurot lakée Ulôn, teuma meunurot lakée Bapak mantong.” [

Teuma Ulôn ka Lôn meudoá keu gata, hei Simon, mangat iman gata bék cupa. Dan meunyoe gata katagisa ubak Ulôn, gata harôh tapeukong bubena syedara-syedara gata.”

Óh lheueh nyan Isa laju geucok ruti. Dan óh ka lheueh geumeudoá syukoe ubak hadhirat Allah, laju geupriek-priek ruti nyan ngon jaroe Gobnyan dan geujok-jok laju ubak murit-murit Geuh sira geupeugah, “Nyoe kheueh tuboh Ulôn [Nyang teubie keu gata. Peubuet kheueh lagée nyoe mangat gata ingat Ulôn.”

Meunan cit óh ka lheueh makheun, laju geujok piala nyang meuasoe ié anggô nyan ubak awaknyan sira geupeugah, “Piala nyoe na kheueh janji Po teu Allah nyang barô, nyang ka teupeusah ngon darah ulôn – darah nyang teuroe keu gata.”]

Isa lumpah that meudeurita baten geuh seuhingga Gobnyan seumaken khusyuék geumeudoá. Reuôh gobnyan lagée darah meutreb-treb roe bak tanoh.]

Teuma gatanyoe hana jeuet lagée nyan. Sikeubit jih, ureuëng nyang paleng rayeuk lamkawan gata harôh beujeuet nyang paleng ubit, dan peumimpén harôh beujeuet lagée peulayan.

“Peucaya kheueh hei Petrus,” kheun Isa, “sigohlom manök jiku-uék uroenyoe, gata ka lhée goe gata iengkeue keu Ulôn.”