Աստվածաշնչի հայտնի հատվածներ YAHYA 5-ից

Կիսվել

Keubiet beutôi nyang lôntuan kheun nyoe: Ureuëng nyang jisimak peue nyang Ulôn peugah, dan meuiman ubak Gobnyan nyang utus Ulôn, ureuëng nyan na udeb seujati ngon keukai baka. Jihnyan hana teuma teuhuköm; jihnyan ka leupah nibak maté dan meuteumé udeb.

Isa geukalon ureuëng nyan teu-éh nibak teumpat nyan, dan geuteupeue bahwa ureuëng nyan ka treb that sakét; lé sabab nyan Isa geutanyong bak ureuëng nyan, “Peu kheueh gatatem gata beu puléh?”

Gata tameurunoe Alkitab sabab ngon lagée nyan gata sangka ngon cara nyang lagée nyan gata na udeb seujati dan keukai baka. Dan Alkitab nyan keudroe jimeusaksi keuhai Ulôn. Teuma gata hana tatem mangat ubak ulôn meuteumé udeb nyang keukai baka.

Teuma Isa laju geupeugah bak ureuëng nyan, “Beudôh kheueh, dan gulong laju tika gata dan gata jak kheueh.” Bak watée nyan cit teuma ureuëng nyan puléh. Ureuëng nyan jigulong tika jih laju jijak. Hainyan na jih jijak uroe Sabat.

Isa geujaweueb keu ureuëng-ureuëng nyan lagée nyoe, “Peucaya kheueh, Aneuëk hana hase jipeubuet sapeue ngon kuasa jih keudroe. Gobnyan hase geupeubuet peue nyang ka geukalon nyang geupeubuet lé Bapak Geuh keudroe, nyang kheueh teuma nyang geupeubuet lé Aneuëk.