Աստվածաշնչի հայտնի հատվածներ ENTANDIKWA 17-ից

Կիսվել

Awo Aburaamu bwe yaweza emyaka kyenda mu mwenda, Mukama n'amulabikira, n'amugamba nti: “Nze Katonda Omuyinzawaabyonna. Ompuliranga, era okolanga ebituufu.

Era tokyayitibwanga Aburaamu, naye erinnya lyo linaabanga Aburahamu, kubanga nkufudde jjajja w'amawanga amangi.

Ndinyweza endagaano gye nkoze naawe, era ne bazzukulu bo ab'emirembe gyonna, ebe ndagaano eteridiba. Nnaabanga Katonda wo era Katonda wa bazzukulu bo.

“Laba nkoze naawe endagaano. Oliba jjajja w'amawanga mangi.

Katonda n'agamba nti: “Nedda, mukazi wo Saara alikuzaalira omwana ow'obulenzi, era olimutuuma erinnya Yisaaka. Ndinyweza endagaano yange naye era ne bazzukulu be, n'eba ya mirembe gyonna.

Era ndikuwa ggwe ne bazzukulu bo ensi eno mw'oli. Ensi yonna ey'e Kanaani eriba ya bazzukulu bo emirembe gyonna, era nze nnaabanga Katonda waabwe.”

Aburahamu n'avuunama ku ttaka, kyokka n'aseka, n'agamba mu mutima gwe nti: “Omusajja ow'emyaka ekikumi anaafuna omwana, era Saara awezezza emyaka ekyenda anaazaala?”

Katonda n'agamba Aburahamu nti: “Mukazi wo tokyamuyita Saraayi. Okuva kati, Saara lye linnya lye.

Munaakomolebwanga. Ako ke kabonero ak'endagaano wakati wammwe nange.

Naye endagaano yange ndiginyweza na mutabani wo Yisaaka, Saara gw'alikuzaalira mu biseera nga bino omwaka ogujja.”

Okuva kati okutuusa emirembe gyonna, buli mwana ow'obulenzi mu mmwe, anaakomolebwanga nga wa nnaku munaana. Kino kitwaliramu abaddu abazaalirwa mu maka gammwe, ne be mugula mu bagwira. Buli azaalirwa mu maka gammwe, ne buli gwe mugula, anaakomolebwanga, era ako ke kanaabanga akabonero ku mubiri gwammwe, ak'endagaano ey'olubeerera gye nkoze nammwe.