Աստվածաշնչի հայտնի հատվածներ यूहन्ना 6-ից

Կիսվել

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

काँह्भई मेरे पिता री इच्छा येई, भई तिस जे पुत्रा जो देखीने तिस पर विश्वास करना तिस अनन्त जीवन पाणा; कने माह सै न्याय रे दिन भीं ते जिऊंदा करी देणा।”

यीशुये तिन्हांजो जबाब दित्या, “परमेशर सै जे चाँह सै येआ भई तिस्सो जे तिने भेजीरा, तुहें तिस पर विश्वास करा।”

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

शमौन पतरसे तिस्सो जबाब दित्या, “प्रभु जी, अहें किसलौ जाईये? अनन्त जीवन देणे औल़ियां गल्लां त तेरले इ हाया।

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

तिने पिते जे हऊँ भेज्जिरा, बिणा तिसरिया मर्जिया ते मेरले कोई नीं आई सकदा, तदुआं तक जे पिता, तिसरे दिला च, मेरले औणे री इच्छा पैदा करीने तिस्सो खिंजी नीं लो; कने माह न्याय रे दिन सै मूईरयां चते दोबारा जिऊंदा करीने ठवाल़णे।

काँह्भई परमेशरा री रोटी सैई, सै जे स्वर्गा ते उतरी ने संसारा रे लोकां जो जीवन देईं।”

जीवना री सै रोटी हऊँ आ।

फेरी यीशुये रोटियां लैई, कने धन्यवाद करीने तित्थी बैठिरे सारयां लोकां जो परोसणे जो देईती; कने तियां इ मच्छियां चते जितणी सै लेणा चाँह थे बन्डी तियां। ताहली जे सै रज्जीने खाई बैट्ठे तां तिने अपणे चेलयां जो गलाया, भई “जितने टुकड़े बचीरे, तिन्हांजो कट्ठा करी लो ताकि सै बेकार नीं जाओ।”

ताहली जे सै किश्तिया चलान्दे-चलान्दे तकरीवन पांज्ज या छे किलोमीटर चलिये, फेरी तिन्हे यीशुये जो पाणिये पर चलदे कने किश्तिया खौ औन्दे देख्या, तां सै डरिये। पर यीशुये तिन्हांजो गलाया, भई “हऊँ आ; मता डरदे।”