Աստվածաշնչի հայտնի հատվածներ Lukas 12-ից

Կիսվել

Ampa'paan in ituo, kamu ka'i musti matéi-téir angé ampa'paan si Toyaang i Tou maai oka sumawel asi oras si ra'ica paarapen iow.”

Anaé, pangérén owo eng Kakolanoan i Amang Kasuruan wo in taniitu pakasa em paperlun iow yawes-Na oka mai ai camu.”

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Ampa'paan am bisa eng kasiyaan iow, am bitu ka'i en até miow.”

Si séi an esaan ai camu ampa'paan i maindé-indé', ro'na réén sia lumambot in umur ang katouanna?

Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow.

Taniitu ka'i kamu, eng kakeli im buuk an do'kos iow kailekan waya i Amang Kasuruan. Ampa'paan in ituo, tioo kamu maindé', ampa'paan kamu en lumébémai em bééna wo sé rincéng.”

“Mandé kamu wayake' im pira, taan tioo kamu maindé'! Ampa'paan si Amang iow an sorga masalé' sumungkul icamu mamuali tou ang Kakolanoan-Na.

Sérén iow sé kokoak! Séra itu ra'ica mausew wo ra'ica maupu' wo ka'i ra'ica wana paumungan ing kakanen taan séra pengawéanai kanen i Amang Kasuruan. Icamu en lumébémai em bééna wo sé kokoak itu.

Anaé, tioo kamu maindé-indé' wo ra'io makaaté in sama' andumoro' in sapa eng kanen oka miow kuma'pa en elepen oka miow.

Sa en dukut am pangumaan asi endo anio' awéan taan woondona mai tiya' an api, taan piniara wo niéma' i Amang Kasuruan pasung. Wopé'ka'i kamu, tantu émaan-Na lébé pasung éi kamu sé ra'ipé talos maéman!

Ra'ica wana mandé esake' sé makakelew wo ra'ica mawuka' oka wo ra'ica wana mandé esake' si ipakaenep wo ra'ica kakailekan oka.