Աստվածաշնչի հայտնի հատվածներ ɛMacu 10-ից

Կիսվել

“Phok ɛn, nggɛ tom nyini te ᐩigyol ntsabhak ne ihywɛ phɛɛs ɛlɔ nibabu ne izaram. Nɛ te ɛn ntsɛntsɛng te izɔ, te ɛn hywɛɛ te ihywihywaa.

ɛHiha ɛnyi ne ɛ ne sim iken ɛbhɛ de aa ne wɔs iphɛ, ɛhaa ne kɛ ne wɔs iken ɛbhɛ de ɛlɔ me wo aa ne sɛ iphɛ.

Sɔng ne ɛ phok ɛn ɛnik ninyi wo nɛ nibhɛ sɛ phoo ibek ge, nibhɛ sang ji yɛɛ ne phoo iken de nang. Yang phok ɛn ɛnik ɛnyi ne aa yɛɛ ne bees ibek ge gbik ne iken de ndɔ ne ijwee ne igboo wo.

Gbik ɛnyi gha ne ɛ kɛ ne sang bo itson ne gangat ɛbhɛ de ɛ kungus me nɛ wo, sɔng ɛ kɛ ne hɔn ɛ sɛɛ soye ɛhaa nge nga nang.

“ɛHiha ɛnyi ne ɛ kɛ tɔɔl wu i soye ɛhaa nge gha ɛnu ɛyisɛ ninyi na, nzɛ ne ma bhɛ tɔɔl wu nzo ɛhaa ɛbhɛ ɛnu ɛyisɛ ɛKyɛɛ nge gha daa ne irywa wo. ɛHiha ɛnyi ne ɛ kɛ ne re ishamas nge de ɛnu ɛyisɛ ninyi na, nzɛ ne ma bhɛ re ishamas ɛbhɛ ɛnu ɛyisɛ ɛKyɛɛ nge gha daa ne irywa wo.

Tes ɛn ninaa nisha na niken, semese ɛn ninaa nibhɛ kɛ kus so, tes ɛn nikparong wɛwɛy, tuul ɛn ikpabyik ivebhe da ndɔ ninyi na nɛ nibhɛ bok ko. Sɔng ɛ kɛ tal ɛn ɛkɔn kyi nang nyini nang, sɔng aa ne ma say ɛn ɛkɔn ɛ kyi nang ɛn nang.

iPhɛ ɛlɛy, sɔng ne ɛ phok ɛn ɛnik ko nang, ɛ phyin ɛn nininyooron na igbom.

“Sɔng ɛ shɛɛ wɛɛ ɛn te nggɛ yɛɛs ne irway ne laal ɛzay ya nang. Sɔng irway ne laal ne nggɛ yɛɛs nɛ nang, itsom ne nggɛ yɛɛs nɛ.