Աստվածաշնչի հայտնի հատվածներ JENESIS 32-ից

Կիսվել

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

Bad uta u la ong, “To pyllait noh ïa nga, naba kan sa shai byrngut.” Hynrei, u la ïathuh, “Ngan ym pyllait ïa me lymda me da kyrkhu keiñ ïa nga.”

Bad ïa u Jakob la iehnoh marwei; bad uwei u briew u la ïaleh bad u haduh ban da shai byrngut.

Bad u Jakob u la khot kyrteng ïa kata ka jaka “ ‘ka Peniel’: naba nga la ïohi ïa U Blei markhmat, bad ïa ka mynsiem jong nga la pyllait im putet.”

Te ynda u la ïohi ba um lah jop ïa u Jakob, u la ktah ïa u tlong mat shyieng ka skhep jong u; kumta la kheiñ khylliah u tlong ka mat shyieng ka skhep ka jong u Jakob da kaba u ïaleh bad u.

U ruh u la ong ha u Jakob, “Kaei ka kyrteng jong me?” Bad u Jakob u la ïathuh, “U Jakob.”

Bad u Jakob u la kylli ïa u, bad u la ong, “To ïathuh, nga kyrpad ïa me, ïa ka kyrteng jong me.” U te u la ong, “Balei ba me kylli ïa kane shaphang ka kyrteng jong nga?” Bad hangta hi u la kyrkhu ïa u.

ngam shym don ka jingdawa ïa iba khyndiat tam eh ruh na kita ki jingleh isynei jong me baroh, lymne na kata ka jingleh shisha baroh ba me la leh ha la u shakri; naba tang bad la u diengduh nga la wan sha shiliang kane ka Jordan; bad mynta nga la wan long ar kynhun.

Namar kata, ki khun Israel kim ju bam ïa u thied heh ba la lait ran, uba ha u tlong ka skhep, haduh kane ka sngi: naba u la ktah ïa u tlong mat shyieng ka skhep u Jakob ha uta u thied heh ba la ran.

Bad u Jakob u la ong, “A Blei u Abraham u kpa jong nga, bad U Blei u Isaak u kpa jong nga, U TRAI uba la ong ha nga, ‘To leit phai pat sha la ka ri, bad sha la ki kur, bad ngan leh bha ïa me;’

To pyllait im ïa nga mynta, nga kyrpad ïa me, na ka kti u hynmen jong nga, na ka kti u Iso: naba nga sheptieng ïa u, ba ïoh un wan bad shoh ïap ïa nga, ïa ka kmie ruh lem bad ki khun.