Աստվածաշնչի հայտնի հատվածներ JENESIS 22-ից

Կիսվել

Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U TRAI yn sa ïohi hi.”

Bad U Blei u la ong, “To shim mynta ïa la u khun, u khun marwei jong me keiñ, u Isaak, ïa uba me ieit eh, to khie leit ruh sha ka ri Moraïah, bad to da kñia ïa u hangta kum ka jingainguh thang halor uwei na kita ki lum ïa uba ngan ïathuh ha me.”

Bad u la ong, “To wat buh ïa la ka kti ha uta u samla, lymne wat leh ei ei ruh em ïa u: naba mynta nga tip keiñ ba me tieng burom ïa U Blei, haba mem shym la bat noh wat ïa la u khun, ïa u khun marwei jong me na nga.”

Bad u Abraham u la ïathuh, “Ko khun, U Blei un pynïoh lypa hi ïa lade ïa u khun langbrot ïa ka jingkñia ainguh thang”: kumta, ki la nang ïaleit baroh ar ngut ryngkat.

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u; bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.”

Te u angel U TRAI u la khot kloi ïa u na bneng, bad u la ong, “Ko Abraham, Abraham”: u te u la ong, “Ha khmih, ma nga.”

Bad uta u angel U TRAI u la khot pat sa shi sien ïa u Abraham na bneng, bad u la ong, “Nga la smai ha lade”, ong U TRAI, “namar ba me la leh ïa kane, bad ba mem shym la bat noh wat ïa la u khun, ïa u khun marwei jong me na nga

Bad ki la ïapoi sha kata ka jaka ïa kaba U Blei u la lah ong ha u; bad u Abraham u la tei ïa ka duwan hangta, bad u la buh beit ïa kita ki dieng halor, bad ynda u la khum ïa u Isaak u khun jong u, u la buh ïa u halor kata ka duwan halor jrong ki dieng.