Աստվածաշնչի հայտնի հատվածներ Jọn 6-ից

Կիսվել

Kụ ạJizos mọ, “Mị kụ eḍien aghuḍum mọ. Tọrobo oye lọ aru ụteeny ịmi, ọkoony nyọdi kásiph mun. Oye lọ umeeraam ịmi, ạmuum ọphughol nyọdi kạ́pu mun kꞌagee-pọ.

Uwaloor phọ kụ rạngo ghan ghuḍum, iphulupul phọ sụo rẹ́ngo ghan. Ikpo ọnhu phọ mị mạghaaph bọ ịḅeni inyina eḍighi uwaloor, eḍighi kẹn ni ghuḍum.

Kẹ́tuan ghan mun eḍien phọ ẹpe kẹḅor bọ, ịtuan ghan eḍien phọ ẹpe kẹtol bọ ẹteeny ghuḍum kꞌagee-pọ phọ kụ ekumuan ghan. Eḍien phọ ẹphen Ọony phọ Oye kụ kịngo inyina, ịdi eḍighi bọ Ẹnaan Ọde phọ mạlhogh nyọdi elegh.”

ịdi eḍighi bọ ịphen kụ ịdi ẹḅeeraan bọ Ọde phọ ạmi: mọ tọrobo oye lọ ạmiin Mọony phọ kụ ameeraam nyọdi kạmoogh ni ghuḍum kꞌagee-pọ, kụ ruukuna phọ mị kaḅerion ni bịdi esi aḍuugh.”

Kụ ạJizos mọ, “Oḍighi phọ Ẹnaan rẹwa bọ mọ iḍighi ghan phọ ọphon mọ imeeraam nyọpo ọdi arom bọ.”

Oomo ạbuphe Ọde phọ ụngo bọ ịmi kụteeny ni ịmi, kụ oye lọ aru ụteeny ịmi, rꞌamem dị mị kaporogh nyọdi ílho

Kụ aSaimon Pita mọ, “Ọmoogh-we, yoor kọḅile ọki kꞌạnhian? Nạ kụ ụmoogh bọ ikpo ọnhu aghuḍum kꞌagee-pọ phọ.

Mị kụ eḍien aghuḍum mọ ẹḍua bọ kꞌạke kụ eru. Oye lọ ale eḍien phọ ẹphen kạtol li kꞌagee-pọ. Iphulupul phọ ạmi kụ eḍien phọ mị kạngo bọ, ịpe mị kạngo bọ pịdi aḅirini phọ ọmoogh ghuḍum.”

Oye kátue ụteeny ịmi, emuton oye lọ Ọde phọ urom bọ ịmi kụ aḍur aloghoma, kụ ruukuna phọ mị kaḅeton ni nyọdi.

Eḍien phọ Ẹnaan rẹngo ghan bọ, pọ ọpo ạḍua bọ kꞌạke kụ aru, ọdi kụ rạngo ghan bọ aḅirini phọ ghuḍum.”

Mị kụ eḍien aghuḍum mọ.

Kụ ạJizos ạsighe iiḅoghoḍi ạbred phọ, kụ rọngo ḍịseph Ẹnaan kụ adiemi bụphe ọrologhu bọ ude phọ, kụ ạḅile ạsighe ina phọ ạtuugh adiemi, tọrobo ịlo oye phọ ạwa. Mem dị bịdi molhe ẹpherogh, ọdi ạḅeni bụmatuan phọ ọdi mọ, “Ịson ipoḍi phọ. Kémeera rꞌẹnum ephe.”

Mem dị bịdi mọzoghi oogh mụghumo odiiny itobi, bịdi ụmiin ni Jịzos dị arelhe ạnyu ạmuum mọ ratu ọteeny oghuugh phọ ạbidi, kụ aruugu asiph bịdi. Kụ ọdi ạḅeni bịdi mọ, “Mị ni. Kékiilaan.”