Աստվածաշնչի հայտնի հատվածներ Rkaa̱ 8-ից

Կիսվել

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga chíchi̱ chíchi̱ ꞌbijñá kui eén, ngatꞌa̱ kjo̱a̱nda̱a̱ kjo̱a̱cho̱o̱n, ko̱jo kjo̱a̱tsja xi tjiín kuí nga̱sondiee̱, tsꞌénchájá, kó jmí to ꞌbéjiín nga maxchá.

Kó kui xojmá xí ixó nga̱són ndi̱jo̱o̱, kuí xí xikoó xota̱ xi ntꞌié eén Néná, kó tsja maa̱ nga kjíbé, ta̱nga nga jmí ja̱ma̱jiín, ta̱ ngotjón tsí sꞌijii̱n, kó nga fochó chi̱bo̱a̱ nga chjátꞌayákón tsꞌenkjié kjo̱a̱.

Kó Kjisoo̱, bi̱ katsoó xotaa̱: –Ñá tsangínjo̱jnú kjo̱a̱sꞌijinjnú. Kó kui jaá achichí katsakjónní ko̱jo kijíndikoón, kó ja̱kꞌi̱e̱ ja̱ngaján asíyaá xkjín, nga bi̱ katsoó: –ꞌYá nda̱a̱ bo̱a̱ xi̱ꞌbi̱, nga ngaskande tjo̱o̱ ko̱jo ndáfoaa̱ tsjaá kjo̱a̱, kó ntꞌiéꞌeén.

kó kui xi ixó tꞌa ndi̱ya̱à, kuí xí xikoó xota̱ xi ntꞌié eén Néná, ta̱nga ta̱ tji̱ꞌni̱u̱ ndibá xindajín ndiabloo̱, kó foaꞌáxiín ngi̱jin ini̱ma̱a̱ kui eén, tsi̱ꞌe̱ nga sꞌi̱jinjiín, kó kjo̱tjoꞌajín.

Ngatꞌa̱, nde ngojín ni xi ꞌma xi xcha̱jín, ti̱nde jmíjín ngo ni xi ko̱ndókjo̱a̱si̱e̱n xi xcha̱ nda ndajín, ko̱jo tsi xcha̱jín nínga tsijee̱n.

Kósꞌe̱ kui xota̱chjo̱on nga kamábe nga kamáꞌmájiín yojoo̱, jatsié má nga kijíkoón Kjisoo̱, kósꞌe̱ asiéntikoó tꞌa se Kjisoo̱, sꞌe̱ katsóyaà ngi̱jii̱n ngayeje xotaa̱, míkjo̱a̱a̱ nga katsꞌénjo̱ ńjñoo̱ Kjisoo̱, ko̱jo kótsꞌèn nga ti̱ kuii̱ chi̱bo̱a̱ kamándaya. Kó Kjisoo̱, bi̱ katsoó: –Ji chjo̱on, kjo̱a̱sꞌijìi̱n xí je tsꞌaxiéꞌaá, tꞌen xió xió ꞌne̱.

Kó tsangínchoo̱n Kjisoo̱, kó kiniꞌánkjaꞌaá, nga bi̱ kiꞌmií: –¡Mostro̱! ¡Mostro̱! ¡Jè matingándá! Sꞌe̱ ngije jaꞌaá Kjisoo̱, katsꞌénxchánjo̱ tjo̱o̱ ko̱jo ngaꞌniuú ndáfoaa̱, kó kixixió, sꞌe̱ kisꞌie xió xió nga̱són ndáfoaa̱.