Աստվածաշնչի հայտնի հատվածներ Ахия 16-ից

Կիսվել

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Ол, Хакъ Кертини Нюрю келген заманда уа, сизни хар тюрлю кертиликге тюзетирикди; нек десегиз Ол Кесинден айтырыкъ тюйюлдю, алай а не эшитсе да, аны айтырыкъды эмда боллукъну сизге билдирликди.

Эндиге дери сиз Мени атым бла бир зат да тилемегенсиз; тилегиз, алырсыз, сизни къууанчыгъыз тамамлы болсун.

Алай болсада, Мен сизге тюзюн айтама, сизге Мени кетгеним игиди. Нек десегиз Мен кетмесем, Жюрек Жапсарыучу сизге келлик тюйюлдю; кетсем а, Аны сизге иерикме. Ол, келип, гюняхны, тюзлюклюлюкню эм сюдню юсюнден дунияны терслигин айгъакъларыкъды дуниягъа

Энди сизни да алай бушууугъуз барды; алай а Мен сизни энтда кёрлюкме, сора сизни жюрегигиз къууанырыкъды, сизни къууанчыгъызны сизден бир киши да сыйырлыкъ тюйюлдю. Ол кюн сиз Манга бир затны юсюнден да сорлукъ тюйюлсюз. Кертисин, кертисин айтама сизге: Мени атым бла Атадан не тилесегиз да, берликди сизге.

Кертисин, кертисин айтама сизге, сиз жилярыкъсыз эм сарнарыкъсыз, дуния уа къууанч этерикди; сиз бушуулу боллукъсуз, алай а сизни бушууугъуз къууанчха буруллукъду.