Աստվածաշնչի հայտնի հատվածներ Ахия 14-ից

Կիսվել

Сизге жюрек ырахатлыкъ къояма, Мени жюрек ырахатлыгъымы сизге береме: дуния бергенча тюйюл, Мен береме сизге. Сизни жюрегигиз жунчумасын эмда къоркъмасын.

Исса анга: «Жол да, хакъ керти да, жашау да Менме; Мени юсюм бла болмаса, Атагъа бир киши да келмейди.

«Сизни жюрегигиз жунчумасын; Аллахха ийнаныгъыз, Манга да ийнаныгъыз.

Ата Мени атым бла иерик, Жюрек Жапсарыучу, Сыйлы Нюр а, сизни хар неге да юйретир эм битеу Мен сизге айтханланы сизни эсигизге салыр.

Мени фарызларымы алып, аланы тутхан адам, Мени сюеди; Мени сюйген адамны уа, Мени Атам сюерикди, Мен да аны сюерикме эмда анга Кесим кёрюнюрюкме», – деди.

Мен да Атадан тилерме эм Ол сизге, биргегизге ёмюрде да турлукъ башха Жюрек Жапсарыучуну, Хакъ Кертини Нюрюн берир. Аны уа дуния къабыл эталмайды, нек десегиз Аны кёрмейди эм танымайды. Сиз а таныйсыз Аны, нек десегиз Ол сизни бла болуп турады эм ичигизде боллукъду.

Ата Уланыны юсю бла махтаулу болур ючюн, Мени атым бла не тилесегиз да, аны этерикме. Мени атым бла Менден не тилесегиз да, Мен аны этерикме».

«Мени сюе эсегиз, Мени фарызларымы тутугъуз.

Мени Атамы юйюнде мекямла кёпдюле; алай болмаса эди уа: „Мен сизге жер хазырларгъа барама“ деп айтыр эдим.

Эмда, барып, сизге жер хазырласам, Мен болгъан жерде сиз да болур ючюн, дагъыда келип сизни Кесиме аллыкъма.

Тома анга: «Раббий! Къайры баргъанынгы билмейбиз, жолну да къалай билаллыкъбыз?» – деди.