Աստվածաշնչի հայտնի հատվածներ GÉNESIS 27-ից

Կիսվել

Dios qosuchun janaj pachamanta parata, jallp'api sumaj cosechasta, ashkha trigota, ashkha vinota. Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

Esautaj nerqa: Chayraykuchá suticharqanku Jacobta á! Kunanwanqa iskay kutitaña ch'aukiyawan. Ñaupajtaqa kuraj wawa kaspa jap'inayta qhechuwan, kunantaj noqaman chayawaj bendicionta qhechuwan. Kunanqa manachu ima bendicionllatapis puchuchipuwarqanki?

Isaac tatantaj nerqa: Tiyakunki sumaj t'iyu jallp'asmanta karupi, cielomanta urmamoj paramantapis. Espadaykiwan jark'akunki, wauqeykej kamachin kanki; allinta kallpacharikojtiykirí, wauqeykej kamachin kanaykimanta librakunki.

Esauqa mañakullarqapuni qonanta: Manachu ujtawan bendiciytaqa atinki tatáy? Bendiciway ari noqatapis!, nispa. Ujtawan jatunmanta qhaparispa mayta waqallarqapuni.