Աստվածաշնչի հայտնի հատվածներ HECHOS 1-ից

Կիսվել

Xalla ni Espíritu Santuź anćhukakiś thontan, anćhukki aśiź tanźnakićha, neqhśtan anćhukki wethkiśtan parli oqakićha, niźaśa ni Jerusalenkin niźaśa thappacha ni judiu yoqaran niźaśa Samaria yoqaran, niźaśa ni aźkin khiñi yoqanakźkinami.

Neqhśtan Jesusaki ninakźkiś qhäśićha: –Anćhukakiś anaź ni thuñi śiś wakiśićha niźaśa ni orami, niźaśa ni Ephqaź nïź jilir achśtan śiśśa

Niźaśa ni apuśtulunakźtan źelhkanaki, Jesusaki ninakźkiś khichićha ni Jerusalén wathkiśtan ana oqakićha. Neqhśtan ninakźkiś tuź khichićha: –Ni weth Epiź anćhukakiś taqu onźta watśkama thewźnakićha, niźaśa werhki anćhukakiś tïźkiśtan palxaychinćha. Niźaśa Juanki cheqpacha qhaśtanqaś wawtissićha, niźaśa anćhukki tshi qhaźmaxkiśtan ni Espíritu Santuźtan wawtistaź khekićha.

Niźaśa Jesusaki tikhśikiśtan jakatatźku, paqhpik qhalu thuñi ninakźkiś cherqatchićha, niźaśa ninakźkiś perśunpacha thensićha, niźaśa nïki qhanakama nïź jakatatta xañchiźtanpacha thëśićha źetućha khikanaki. Niźaśa ninakźkiś ni Yöś irpiś wathkiśtan palxaychićha.

Jesusaź ti chïtikiśtan, Jesusaki waytitaćha ninakaź cheranpacha, niźaśa ninakź źhukkiśtan tshi tshiriź ni Jesusa thatanchiki. Neqhśtan ninakaki ana iya cherchićha.

Niźaśa Jesusaź ninakźkiśtan aźkin khisnan, ninakaki sutipacha tsewkchuk cheqźnatćha, xalla nuź cheqźnan pukultan chiw śkiti kuthchi źoñinaka ninakźtan chika thensićha. Neqhśtan ninakźkiś khichićha: –Galilea źoñinaka, ¿qhaźtikiśtan anćhukki tsewkchuk cheqźxo? Xalla ti Jesusapachaćha anćhukakiśtan tsewkta yoqa waytitaćha, xaqhnuź anćhukki ni tsewkta yoqa oqhñi cherchinćhukźlax xalla niźtaśaqaś thonakićha.