Աստվածաշնչի հայտնի հատվածներ MATIU 7-ից

Կիսվել

“Nen navu, ko vin lei lawe gimiu; nen hike, ko nein haqe; nen dingdingi ko vin roa na matai vale lawe gimiu.

Huri vataha hine mo navu, vin lei lawea; ko vataha hine mo hike, vin haqe; ko vin roa na matai vale lawe vataha hine mo dingdingi.

“Vataha hine mo rongo na noku leo ingere ngaha ko mo hurire nge vin mwere na tangaloi mataisao, mo hakovi na valena lo vatu.

“Vataha gineu nem tarani ve a tangaloi rain vei lawe gimiu, nen vai nomiu mwerehi lawera: huri ngaha a domiana talo Leo hora noi Mosis ko a leo huhui nora tangaloi ligoligogi.

Nge a matai ara u biti ko a turegi u gona mo vano lolo mwasoana radu, ko ingere te gaivihe ram haqea.

“Nen ahu turu na matai ara biti, huri a matai ara u tatavola ko a turegi u matamwasara mo vano lolo mateana radu, ko ingere rau sao ram vano lune.

Igimiu, ira galegaleasi, nem ilo ve nen bete na gineu garea lawe re netumiu. ?Nge tau i Tamamiu eulu vin he bete na gineu garea tea vena liu lawera hine ram navu denie?

“Nen mese vevegi, huri ve God vin he vevegi gimiu tea. Mwere nem vevegi hine tea, vin vevegi gimiu mwerehi, ko mwere nem dovo lawe hine tea, vin dovo taligu lawe gimiu mwerehi.

Nge vataha hine mo rongo na noku leo ngere ngaha ko he hurire tea nge vin mwere na tangaloi reragi, mo hakovi na valena lolo one.

Huri hava gineu gom lehi na mavusi gei lolo matai tuemu, ne go he lado na welehi tea lolo matamu sibomu? Huri hava gineu gom veve lawe i tuemu vena, ‘Siregi laweau nan lai vohogi na mavusi gei dena matamu,’ nge a welehi mo eno lolo matamu sibomu.

“Nein matagoro huri ira tangaloi ligoligogi kalikeli; ram vonai lobemiu mwere na sibsib lo tarabesire, nge lolo lolora rau mwere na wiriu turu. Nein ilora lo dorire. A garo kau vin he wai lei na mwasi duduele tea, ko a moli gehu vin he wai lei na mwasi duledule tea.

A gai garea vin wei na mwasigi u garea, ko a gai esi vin wei na mwasigi tea hi u esi.

A gai garea vin he wai lei na mwasigi tea hi u esi, ko a gai esi vin he wai lei tea na mwasigi u garea.

Vataha gai he wai tea mwasigi u garea vin teie ko vin tulie talolo avi.