Աստվածաշնչի հայտնի հատվածներ JOHAN 19-ից

Կիսվել

Huan Jesu’n uain thuk a dawn khitin, “Zoh ahita” a chi hi. A lu a kun a, a kha a khahta hi.

Huai nung in, Jesu’n thil bangkim hihzoh ahita chih a thei a, Laisiangthou a tunna ding in, “Ka dang a tak” a chi hi.

Huan Jesu’n a nu leh nungzui a itpa a kiang a ding a mu a, a nu kiang ah, “Numei, en in, na tapa” a chi hi. Nungzuipa kiang ah, “En in, na nu” a chi hi. Huai dak apan huai nungzui in a in ah amah pita hi.

Himahleh Jesu kiang a hongtun un, a na sita chih a thei ua, a khete a hihtan tuankei uhi. Himahleh sepaihte lak a mi khat in a nak ah tei in a dawt a, huchi in sisan leh tui a hong luangkhia hi.

Laisiangthou in, “A guh khat lel leng hihtan ahi kei ding” a chih tunna ding in huai thil a hong omta hi. Huan Laisiangthou dang in, “A sutpa uh lam a en ding uh” a chi hi.

Aman Kros kipuak in Luguh Mun, a chih uh, Hebru pau a Golgotha a chih mun tan a pai hi.

Huan sepaihte’n linglukhu a phan ua, a khusak ua, puan sandup leng a silh sak uhi.