Աստվածաշնչի հայտնի հատվածներ JOHAN 15-ից

Կիսվել

“Kei a grepgui ka hi a, nou a hiangte na hi uh. Kuapeuh keimah a om gige a, keileng amah a ka om gige na, huai mah tampi in a gah hi; keimah lou in bangmah na hih theikei uhi.

Keimah ah om gige un, keileng noumau ah ka om gige ding. Hiang, grepgui a a om gige kei leh amah in a gah theikei bang in, nou leng keimah a na om gige kei uleh, na gah theikei ding uhi.

Nou keimah a na om gige ua, ka thu leng noumau a a om gige leh na ut peuh uh ngen un, nou adia hih in a om ding hi.

Nou n’on tel kei ua, ken k’on tel zaw hi, vagah ding leh na gah uh om gige ding in k’on sep hi; ka min a Pa kiang a na nget peuhmah uh a hon piakna ding in.

Mihing in a lawm adia a hinna a piak sang a itna thupizaw kuama’n a neikei hi.

Kei a hiang gahlou peuhmah a lamang a; a gah peuhmah a gah tamsemna ding in a hahsiang hi.

Hiai ka thupiak ahi, ken nou k’on it bang in, noumau leng ki-ittuah un.

Hiaiziakin tampi a na gah chiang un ka Pa pahtawi in a om hi, huchi in ka nungzuite na hi ding uhi.

“Kei grepgui dik ka hi, ka Pa a kempa ahi.

Mi kei a a om gige kei leh, hiang bang a paihkhiak in a om a, a vuai hi; huan a tawm ua mei ah a pai ua, a kang hi.

“Ka kipah noumau a a om gige theihna din leh na kipah uh a kimna ding in hiai thu na kiang uah ka gen ahi.

Nou ka thupiakte na zuih uleh ka itna ah na om gige ding uhi, ken ka Pa thupiakte ka zui a, a itna a ka om gige mah bang in.

Hiaite k’on thupiak ahi, ki-ittuah chiat un.

Nou khovel a hi le uchin, khovel in amah a a it ding; khovel a kipan k’on telkhiak zawk ziak in, khovel in nou a hon hua hi.