Աստվածաշնչի հայտնի հատվածներ Mt 5-ից

Կիսվել

Pailê pondak dhampun dovrunk konnuch ponntti laina; ghorant asto soglleank ticho uzvadd poddunk, ti eka peddar dovortat. Têch porim tumcheô boreô kornneô polleun sorgar asto tumchea Bapak mon’xamnim vakhannchê khatir, tumcho uzvadd tanchê mukhar porzollum-di.

Tumi sonvsaracho uzvadd. Dongrachea mathear bandlelem xar lipon urona.

Kallzan nitoll tim subhagi: tim Devak polletelim.

Promannikponnak tanetat ani bhuketat tim subhagi: Dev tankam dhadoxi kortolo.

Punn Hanv tumkam sangtam: Sorgincho tumcho Bap Aplo suria vaitt toxench boream mon’xancher ude-so korta, ani Aplo paus promannik toxench khotteam mon’xancher ghalta dekhun tumi Tachim bhurgim zauncheak, tumcheam dusmanancho môg korat ani tumkam piddapidd diteleam pasot magat

Otmean apunn gorib mhonn zannant tim subhagi, Sorginchem Raj tanchem.

Xanti kortat tim subhagi: Dev tankam Aplim bhurgim mhonntolo.

Rudon kortat tim subhagi: Dev tankam buzvônn ditolo.

Promanikponna khatir dhumallo sõstat tim subhagi: Sorginchem Raj tanchem.

Doiall tim subhagi: Dev tanchi doia kortolo.

Mhojê khatir tumkam opman’tit, tumkam dhumallo ditit ani sogllea jin’sachem vaitt tumcher add uloitit tedna tumi subhagi. Khuxal ani sontosbhorit zaiat, kiteak sorgar bhov vhoddli mozuri tumchi. Tumchê adim provadeank tosoch tãnnim dhumallo dila.

Bholim tim subhagi: prithum’ daiz tanchem.

Tumi prithumechem mitt. Punn mittachi kharsann bigòddlea zalear, tem kiteak upartelem? Tem fokot bhair uddounchem ani pãiam tolla mostunchem, anink kiteakuch upkarona.

Mhonntôch, zoso tumcho sorgincho Bap sopurnn, toxinch tumi-i sopurnn zaiat.

Tumchem ulovop itlench zaum-di: hôi zalear hôi, nhoi zalear nhoi; hachê-von ogllem tem vaittovea koddlem ieta.

‘Dolleak dollo, dantak dant’ : oxem mhonnlelem tumi aikolam. Punn Hanv tumkam sangtam: vaitt mon’xak tum addainaka; konnei tuka uzvea polear marit zalear, dusro-i polo taka dakhoi.

Patok adarunk tuzo uzvo dollo tuka oddun vhorta zalear to umttun kadd ani bhair uddoi, kiteak tuji akhi kudd emkonddant uddoun gheunchê poros, tujea ekach sandeacho nas zal’lo tuka odik borem. Ani tuzo uzvo hat patok korunk tuka oddun vhorta zalear, to katôr ani bhair uddoi, kiteak tuji akhi kudd emkonddant gel’lê bodlek, tuzo êkuch sando bigòddlo zalear tuka odik borem.