Աստվածաշնչի հայտնի հատվածներ ÏOANNIS 15-ից

Կիսվել

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

To ïaineh ha nga, bad ngan ïaineh ha phi. Ka tnat kam lah ban seisoh da lade hi; ka lah ban seisoh tang lada ka ïaineh ha u dieng sohwaiñ. Ha kajuh ka rukom, phi ruh phim lah ban seisoh lymda phi ïaineh ha nga.

Lada phi ïaineh ha nga bad ki ktien jong nga ki ïaineh ha phi, te phin pan ïa kaei kaei kaba phi kwah, bad phin ïoh ïa ka.

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

Ka jingieit kaba khraw tam kaba u briew u lah ban don na ka bynta ki paralok jong u ka long ban aiti ïa la ka jingim na ka bynta jong ki.

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

Ka hukum jong nga ka long kane: To ïa-ieit iwei ïa iwei pat, kumba nga ieit ïa phi.

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

“Nga, nga long u dieng sohwaiñ bashisha, bad U Kpa jong nga u long u nongsumar brisoh.

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

“Nga la ïathuh ha phi ïa kane khnang ba ka jingkmen jong nga kan ïoh long ha phi bad ba ka jingkmen jong phi kan long kaba dap pura.

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

Kane, te, ka long kaei kaba nga hukum ïa phi; to ïa-ieit iwei ïa iwei pat.

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.