Աստվածաշնչի հայտնի հատվածներ Jɔɔnn 6-ից

Կիսվել

Ki u betib a “Mine tee manfoor jeet maŋ. Daanɔ nba baar n boor ni, kon kan mi ki soor li yɔɔ, ki wunba mun teenin yada, nyunyukiru kan mi ki soorɔ.

Yennu Seyeeŋ kuukɔɔe teen niib manfoor; ŋaan gbanant na tee yanne. Mɔmaan nba ki n pak ki turi nae baat nan Yennu Seyeeŋ nba teen niib manfoor maŋ.

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Ki Yisa jiimm a “Toonn nee ki Yennu loon ki yii tuun, a yin teen wunba ki u tumɔ na yada.”

Ŋaan wunba kur ki n Baa Yennu jiiu ki turin, u sa baar n boor ni ki teenin yadawa. N kan mi yêt wunba baar n boor ni

Ki Simon Piita jiin yetɔ a “Ti Yomdaanɔ, ki ti mun ji sa nyika ŋaan saan ŋmee boori? Fine mɔk manfoor nba kaa gbennu wannu.

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Sɔɔ kan fit ki baar n boor ni ki teen n yɔɔ, ki li ki tee ki n Baa Yennu nba tumin na kaa te ki u baari, ki n tan sa fiin li daanɔ kuun ni dunia gbennu daar.

Jeet nba ki Yennu jii teeni maŋ, ŋannii tee linba nyii Yendɔuŋ ni ki teen tingbouŋ na ŋaateeb manfoor.”

Mine tee manfoor jeet na.

Ki Yisa jii boroboro na, ki tur Yennu niipoouk, ŋaan te ki bi tor niib nba kar maŋ; ki u bia jii janii na ki teen nna, ki bi kura din dii ki sa jaŋ ba loon biaŋinba. Ba gboo yoonba, ki u yet u poorpoweiteeb a bin lakin jeet nba tenn na, a ki li daa biiri.

Yoo nba ki u poorpoweiteeb kan saan kaman nan maar ŋanntaa amii ŋanna na, ki bi la Yisa somm nyun paak ki tookit burgbetir maŋ, ki jaŋmaanii ji soorib. Ki Yisa betib, “I daa tiin jaŋmaanii mani. Li tee mine.”