Աստվածաշնչի հայտնի հատվածներ Tabekacane 3-ից

Կիսվել

Kwini ababai la drele kwini madru ki angatu ka matidadalame, matikaekane, lai lri dulru kalrigili, la pusamalra turamuru. La malra labutu kwini madru, si la kane, ala baai pakane ki tauwaneini; kwini tauwaneini la mialri kane.

Kai sulrau yai ikai ki bekace ki TAMATAMA ka Twaumase sanaka waudriwdripi malrilrigilinga ku salrilrigilane. Ku sulrau la kivaga kwini ki ababai, “Ku Twaumase tengane ka madha kanekane amia numiane kikai sanaka madru ki angatu ikai mawivaivai?”

Lri makakabadhasu kavai ki ababai, ku mwabaibalrithi numi lri makakabadha. Kwini lasu lri twithi ki awlrusu; ala lri kacesu pakadula ki alrudrudraneini.”

Ku TAMATAMA ka Twaumase amia kai kwini ki ababai, “Lri aru padrimaku ku akwalrianesu lu katawbalirisu, akiangeangane lu tulalalakesu. Adravane ka miyaiya kai, lri kathadalranesu urikai ki tauwanesu; kwi lasu lri kadrenge muswane.”

Lu kaigipisu ki sakwalrialri lri kabucukusu. Lri kaungusu, pakeela ku tapacadhanesu, siwlri mwa ki dae; asi lwiyane niara daeanesu kibekace, lri siwlrisu adae.”

Ku TAMATAMA ka Twaumase la iya kai kwini ki sawvalai, “Kikai kialalrasu patupapalra ki taelrelresu, kane ku madha kanekane iyali muswane ku madru ki angatu, kikai kadaengane lri ngwalai ku tabaebalreanesu ku drekase si kipusu. Lri makalautusu kwalri kaungu ala lri makakelrete ku taleke.

Ku TAMATAMA ka Twaumase la kivaga, “Aneane ku peaelaela muswane, ka vialralralrakanesu? Wakanesu kwidra madha kanekane iyali muswane kwidra madru ki angatu?”

Ku TAMATAMA ka Twaumase sa pakatwasenga kwini ki umawmase, la ikai tali talrawane ki Idingi pikai ku Kirubime, la pikai ku wakelrakelrabe ku apwi, ngithalringulu ku ngiapalrilrilridingi ku dramu, pakai ku atelengane ki umawmase lu kela deethe ki niake ka angatu.

Ku Adame la sunagane ki taelrelreini pasi Iva, asi lwiyane kai alisu amani ku tina ki laumawmase.