Աստվածաշնչի հայտնի հատվածներ Matiu 24-ից

Կիսվել

Mwala urine nge kire kei da aaelanga ke si peine i laona walumalau, na mwala hunge saꞌa manata diana oto hunie nga iini. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.

Laeliwalanga aana Tataroha Diana i sulie Aalahanga a God kei lae kalie ahutana walumalau hunie ahutana iinoni ke mani rongo. Oto purihaꞌana haꞌamangolana ke si lae mai.”

Na omu kei rongoa mo oohotaa aana taꞌena nga leu aana walumalau, taꞌe mwaanie saemiu e liki-liki. Aena aana walu ola ngeena kire kei holaꞌi reu i naꞌo, taꞌe haꞌamangolana walumalau haꞌike ue ni ngeena.

Haiseuninge kei lae i matolana mo henue hai aaopaꞌi, na i matolana mo aalahanga hailiu. Hiolonga kei toolea mo iini hunge i laona walumalau, na nunu kei tola ahusie mo henue hunge. Taꞌe walu ola ienini ko haataꞌinie mola uri mo ola paine kei lae ue mai mala huꞌe ko aehota hiingeꞌinie sapesalunge hunie toꞌo-mwelanga.

I Lengi na i aano kei suu, taꞌe walaku e saꞌa suu ike oto ooꞌoo.”

Aana mo iini hunge kei lae mai aana sataku, na kire kei ere uuri, ‘Ineu oto a Kraes,’ na kire kei haꞌapweue mwala hunge.

“Aana maholona mo maelonga iꞌomu kire kei tapoliꞌomu, na kire kei haꞌaloiꞌomu, na kire kei horo maesiꞌomu. Ahutana mo iinoni kei maalelediꞌomu aena aana omu ko lulu i sulieu. Mo iini hunge aana mo iini nge ko lulu i sulieu kei toliꞌaasie hiiwalaimolinge ikire aana maholona, hule aana kire kei pwelora hailiu mola maraada, na kire kei maaleledire maraada hailiu. Mo propet eero-eero hunge kei lae mai, na kire kei deu uri hunie mwala hunge ke hiiwalaimoli aana mo eeronga ikire.

Oto a Jisas ko aalamire uuri, “Omu ke lio talamiu mwaanie nga iini e eeroꞌomu.

Oto iꞌomu noꞌone, omu ke iiꞌo aakau, aana ineu a Kale Ni Iinoni ne kei ooli mei aana maholoi sato nge omu kaꞌa loꞌongaꞌi ike huni maaꞌoohieu.”

“Aena urinena, omu ke iiꞌo aakau mola, aana omu kaꞌa saie ike hai dinge uri taa aalaha iꞌomu kei ooli mei.

Oto a Jisas ko heꞌi ere loꞌu uuri, “Nga taꞌa-taꞌa iini e kaꞌa saie ike hai dinge wa maholoi sato uri taa ne kei ooli loꞌu mei. Maꞌalana mo ensel taꞌau i Lengi, wa uri ineu a Kale, na melu kaꞌa saie ike. Taꞌe a Mamaꞌa taꞌau i Lengi haliꞌite nge e saie maholona.

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Na nga taa kei reu aana maholo ineu a Kale Ni Iinoni ne kei ooli mei, kei urihana noꞌone nga taa e rau aana pongine a Noa. Mo dinge i naꞌona lue-lue e tola, mwala kaꞌa saie ike, oto kire ngau-ngeu na kire inu-inu mola. Kire totola keni na kire toꞌo-toꞌo poro mola lai hule aana hai dinge a Noa e taꞌe i laona haka paine. Kire kaꞌa loꞌo-loꞌongaꞌinie ike loꞌu uri nga mei ola kei hite aada, oto kire auꞌesuie walu olana lae hule aana lue-lue e hane haahire, na kire mani eiꞌaa mango oto. Kei urine noꞌone loꞌu aana maholo ineu a Kale Ni Iinoni ne kei ooli mei.