Աստվածաշնչի հայտնի հատվածներ Ibeb 6-ից

Կիսվել

Mije keya, Okumugwem ofefieek ejit enenen ibe ke ọmọ îrom ebilene igwook me linyọn̄. Inu ya otatap ọmọ unaan̄ igak ejit.

Okumugwem onenimun̄ ibe ke inu ikpak ebilene îwa enenen me linyọn̄, mè imun̄ si ibe ke otutuuk ekiket ejit kiban̄ mgbọ geelek ìre gaalek ijo ijo.

Ire, Nuwa gaalek ke Okumugwem obele ejit me lek.

Mfufuk owot iman kè Nuwa ìje ikeyi: Nuwa ìre ogwu ata irọrọ. Me etete ebi ukot kan̄, ọmọ gaalek ore ogwu ìkarọ inu geege ìlọ. Nuwa îje ijaan̄ melek Awaji.

Eya orọ, Okumugwem onenitumu ifieek ibe, “Mâchep otutuuk ebilene ebi nrombe isan̄a kpai me linyọn̄, mè ichep si otutuuk anam, mè otutuuk inu geelek òkinyinyọnọ me ijọn̄, mè otutuuk ebi kè unọn òwulu me inyọn̄, mije, înaan̄ emi ubọk nrombe otutuuk inu cha.”

Ike mgbọ okije, ebilene mîbene ikimumana me linyọn̄. Mîmaan̄ si owuwa bọn ebibaan̄ inyi ema. Bọn ebirieen̄ Awaji ekpọkpọ bọn ebibaan̄ ebilene eboon̄be, mè imun̄ ibe ke mîjijan. Ema enenigobo ebi ema emabe me lek bọn ebibaan̄ cha ido me lek nwa. Okumugwem onenitumu ibe, “Efuuk n̄a ìkpoyaka ikup ibia me emen ene isi ire mgbọ geelek, mije, ene ìre akpalek ikike eyi kpofukbe ugwem. Usen ugwem kan̄ me linyọn̄ keyi ìkpojọn̄ọ iraka efit acha mè akọp iba.” Bene me mgbọ ya nyi isi, ebi ujọn̄ọ ile, ìkpọkpọ ijot isi ichak mè inye lek enenen, òwa me linyọn̄. Ife chi ere bọn echi bọn ebirieen̄ Awaji eboon̄be me owot bọn ebibaan̄ ebilene cha. Ema si ere ebi usọ akọn̄ ebi eriọọn̄be erieen̄ me ukot ikaan̄.

Nuwa orọrọ otutuuk inu cha geelek iso, ike Awaji onyibe ida ibe ọmọ irọ.

Awaji onenitumu inyi Nuwa ibe, “Me lek n̄a, okputut ugwem otutuuk ebilene me linyọn̄ yi îre, mije, bak me lek kiban̄, inu afa ìjojot otutuuk linyọn̄. Mije keyi, emi m̀bagbagbaan̄ ema melek otutuuk linyọn̄ me lek kan̄ ichep isan̄a mgbọ yaage.

Eya orọ, owu sa uti siperes nama ikpele uji ọfọ, mè tap owuwa agwut me emen, mè sa ulobo agba ofifit chọkọ kana otutuuk lek, emen mè udun̄.

Awaji okpọkpọ, mè imun̄ ibe ke otutuuk linyọn̄ îfiat isan̄a kpai, mije, otutuuk ebilene me linyọn̄ mîfiat lek kiban̄ isan̄a kpai.

Titen̄e inu geelek òkifuuk efuuk òkup me linyọn̄ iba iba, orie mè uman, tap me uji ọfọ ya, mè egọọk owu ekup, inyi ekakwaan̄.