Աստվածաշնչի հայտնի հատվածներ Yohana 14-ից

Կիսվել

“Digoya nikumulekelani; digoya dyangu nikumwinghani; sifina ichilunga fochikulafa; aniye nikumwinghani fidoga fyenu finghedasike, kahi finghogohe.

Yesu hoyomugamba, “Aniye no ni njila, ne chawelu no uwumi; kwachaka munhu yakwija kwa Baba inghakulokela ukwangu.

“Mughadasike mufidoga fyenu; muhuwileni Mulungu, nihuwileni na niye.

Ninga, Imutasi, Muhe Musunhile iyekwenda yegaligwe na Baba ku disina dyangu, yakwenda yawafuse finhu fyose, na kuwagelegesa gose goniwafusile.

Iyena malagiso gangu na kugagolosa, aye no yakunyenda, na iyakunyenda yakwenda yendigwe ne Babangu nami nikwenda nimwende na kigubula ukwakwe.”

Na nikumutasa Baba, yakwenda yamwigheni mutasi yungi, yekale nanyi majuwa gose. No Muhe we chawelu, imwene ichilunga chino chisikudaha kumuhokela; anye mukumumanya, kosoko yakwikala hamwedu nanye na yakuwa kugati yenu.

Chochose chomukutasa kwe disina dyangu, nigolose, uleke iBaba yatunywigwe mu iMwana; Munghatasa chinhu chochose mu disina dyangu nikwenda nigolose.”

“Mughanyenda, mukukola malagiso gangu.

Munyumba ya Baba mwina fibuha fingi; nanga si nheifo hanuwa nikumutamilani fina nikamwikilani ukalo?

Ninghaluta na kumwikilani ukalo, nokwija niwalondeni chilutanye ukwangu, uleke honuwile niye anye nanye muwe baho.

Tomasi hoyomugamba, “Mundewa chisimanyile koukuluta choimanya nhani injila?”