Աստվածաշնչի հայտնի հատվածներ Matie 13-ից

Կիսվել

Ɛtrɔmɛ̀n lɔ, anwrɔn ndɔ hɔ̀n kɛ cɔ́ ɛci-ẅì lɔ ɛnhi ankrànkràn mɛ̀n: yɔ yá ankà-dɔ̀ lɔ kɩ yɔ nyri n'ɛmɛ̀n; zɛtɛn yɔ shi ɛẅì, ɛnjanbɔ̀ ɛkoẅi-ɛnrì, ndɔ hɔ̀n ɛkoẅi-anhɔ̀n kɩ ndɔ hɔ̀n ɛẅia-ɛvà.”

Ndɔ hɔ̀n kɛ cɔ́ ɛci-ẅì lɔ ɔwi-tɛ̀ granmɛ̀n: yɔ yá ankà-dɔ̀ lɔ, tɛ́n ɛnhibù wú ankà-tro mán n'ɛfrɛ́n nɛ̀ncüì-dì kɛ kɛ́n ankà-dɔ̀ lɔ ɛndɔ̀nwrɔ̀n hɛ́n, kɩ nɛ́n sɩ́ shi ɛnẅì zriɛmɛ́n.

Anwrɔn hɔ̀n léyi kɛ yá Anhobɩ́ ankà hɩ ke sɩ́ nyriɛn nɔn, yɔ dù yɔ cá ɛnlevri mùan léyi ɛci-ẅì ke bore nɔn: Anwa-wrɔn kɛ và kɩ ke frɛ́ ɛci léyi yɛ tɛ́ y'ɛnbɔrɛ lɔ mɛ̀n nɔn.

Ndɔ hɔ̀n ndù cá ɛbùhiẅia léyi ɛci ke bore ɛwú nɔn: Yɔ yá ankà lɔ kɩ yɔ bɩ́ nɛ̀n pɔ̀püɛ̀ mɛ̀n kpatakpata lɔ. Tɛ́n yɔ sɩ́ teze nɛ̀n nɛ́n di annyràn y'ɛnbɔrɛ lɔ mɛ̀n, yɔ ẅɛn nɛ̀n yɔ hɛ́n ɛnvra cá mɛ̀n. Kɩ zɛtɛn, ɛnvra léyi ɛgbànkàn mán ejüezì kɛ vá Ɔwɔ-ankà-dɔ̀ kruhú nɔn, yɔ teze ɛnvra zri lɔ y'ankàẅì-bùtan lɔ.

“Anhobɩ́ nɛ̀ncüì-dúyri dú cá ɛnnɛ̀ncüì-di-ci léyi bán dú ɛkɛ̀tɛ̀ tɔ̀n mɛ̀n nɔn. Ɔwrɔn tɔ̀n kɛ cɔ́ ɛnnɛ̀ncüì-di-ci ndɔ lɔ kɩ ke vru kɛ bán nɛ̀n. Ɔwrɔn lɔ ke dú ɛnbɔrɛbruemɛ̀n kɩ kɛ hɔ́n hɛ́ ɛci hɔ̀n lɔ fɛn léyi nɛ́n ẅɛ̀n nɔn, kɩ ne vru ɛmɛẅi nɛ và, nɛ wɔ́ ɛkɛ̀tɛ̀ ndɔ lɔ.

Tɛ́n ɛci ndɔ hɔ̀n cüe ɛnhi ankrànkràn mɛ̀n kɩ ɛci hɔ̀n lɔ ndì, sɔ́ anvrɛnvrɛn; shi ɛẅì: ɛnjanbɔ̀ shi ɛẅì ɛkoẅi-ɛnrì, ndɔ hɔ̀n ɛkoẅi-anhɔ̀n kɩ ndɔ hɔ̀n ɛẅia-ɛvà.”

Nyɛ́n teze yɔ, yɔ dì, hàn kɩ kɛ cɔ́ ɛci-küɛ vra, kɩ hɩ vra lɔ, mɛ lɛ dɔ́ ɛci-küɛ-bɔ̀ le: nyɛ́n gɔ̀ frɛ́ ɛfi gbàngbàn hɔ̀n lɔ, ô nyɛ́n kora yɔ nyɛ́n ku ɛnhyà, zɛtɛn nyɛ́n sɩ́ antɛ̀-ẅì lɔ m'ɛci-hɛ́n-wɔn lɔ mɛ̀n.’ ”