Աստվածաշնչի հայտնի հատվածներ Joni 19-ից

Կիսվել

Ana hzageno Jisasi'ma ana akake waini tima neteno'a, Agra hu'ne, Ha vgare! nehuno Agra kepri huno avamu'a atre'ne.

Anama huteno'a, Jisasi antahino keno hiama maka'zamo hago vgaregeno, Anumzamofo avontafemo hu'nea kea eriknare huteno, tinku navenesie, huno hu'ne. (Sam-Zga 69:21)

Nerera'ene, amage' nentegeno avesi nentea disaipoli ne' ene anante oti'nakeno Jisasi'ma neznageno'a, Agra nereranku huno, A'moka ko, ama'ne kagri ne'mofavrea! Anante amage' nentea disaipoli neku hu'ne, Ko, kagri negrera'a ama'ne! Ana knareti agafa huno amage' nentea disaipoli ne'mo ana ara avreno noma'are vu'ne.

Hianagi Jisasinte'ma e'za eme kazana, ko fri'nege'za tarega agia ruha'ontagi'naze. Hianagi mago sondia ne'mo krugru kevereti Agrira asopafi regeno, hantaka huno korane, avufa rimo'ene herfino evu'ne.

Na'ankure ama anazama fore hu'neana, Anumzamofo avontafepi kre'nea nanekemo nena'a fore hanigu huno, agri zaferina magore huza ruha ontagigahaze hu'ne (Sam-Zga 34:20) Ete mago avontafemo mago'ene huno, Zamagra zamuma kesazana, agri'ma krugru asopafi re'namofonte kegahaze huno hu'ne. (Sek 12:10)

Anante Jisasi'a keka zafa'a erino, vahe anu zaferine nehaza mopare, Hibru kefina Golgote nehazare erino vu'ne.

Anante sondia vahe'mo'za ave'ave nofite kini vahe'mokizmi fetorikna huza tro hute'za, Jisasi anunte antani nente'za, koranke kukena hunte'naze.