Աստվածաշնչի հայտնի հատվածներ Gen 15-ից

Կիսվել

Ma Abram ivi tumaghana da BADA ina sisiya na vonavaghata. Ma BADA God ikitai da Abram ina vitumaghana irakata, tuna kubiine ivi nuwabiibiiyei ma ivonakiiyaragha da Abram na ina wawaya maninina.

Nani murinai Abram, BADA mekeyuna ikitai da kurina ivivi sisiya, ivonei bo, “Abram, kam papara ana vowai. Tuna kubiine ke kuna yabumana. Ma am miiya ghamanakina ana verem.”

Ma irutini ikiibau ku matara ma ivonei bo, “Ketepa ku kunuma da gwamegwame kuni yava tovoni. Kegha, ke kovokovoghina.” Vaghina ma, ivonei bo, “Tupurereghim ina peyari da gwamegwame nakanani.”

Vaghina ma BADA ivi sisiyame, ivona bo, “Kegha. Nani bigabiga wawayina am mura ke ini rapenei. Tam mani natum vaghata am mura ina viiya da ina buderi.”

Ma BADA God ivi sisiya kurina, ivona bo, “Vonavaghata ana vonem. Mara karakava epipisi da tupurereghim ini numataya, dobu viruwai ina makii kirakai da madegha 400 ina kovi. Ma nani kamonai nokoni dobuna wawayisi tupurereghim ini kayonogenogeyanesi da ini kamyuyuwa. Ini sleiv, biga vitana ina beraberai ma miiyiina kegha.

Ma Abram ivonapotei bo, “O BADA, bera kudubina na tam kibadei. Miiya ghamana kuta vereku na iyamna kegha. Taku na gagariku, natuku kegha. Tuna kubiine ana rabobo na aku bigabiga tomowina mura kudubina rapekuwai ina viiya. Tuna na Damaskas tomowa Eliyesa.”

Ma nani maranai BADA vivaghina makamakiina iberai Abram yavata. Ivona bo, “Weni dobuna na tupurereghim ana veresi, i tano paratina na Egypt okowina da ku Yuperetis okowina.

Ma Amo damsi ana voteresi weni dobunai ina makai da i bera beroberosi ina rakata kamowa na muriyai kovogha ana veresi. Ma tupurereghim na kimta ruwamaruwa ina kovi ma nani murinai ina vovirame wike.”