ᐊᐲ ᑕᔥ ᑮᓂ ᐹᑏᓄᐙᒡ ᐯᒫᑎᓯᐙᒡ ᐅᐅᒫ ᐊᑮᕽ, ᐅᑖᓂᓯᐙᐞ ᓴ ᑮᐊᓂ ᓂᑖᐎᑭᐗᐞ᙮ ᐃᑭ ᑕᔥ ᐅᑯᓯᓯᒫᒃ ᑮᔑᑯᕽ ᑳᑮ ᐅᒌᐙᒡ ᐅᑮ ᐙᐸᒫᐙᐞ ᐁᒥᓄᓈᑯᓯᓂᒡ ᐃᐃ ᐅᑖᓂᓯᒫᐞ᙮ ᒦᑕᔥ ᑳᐃᔑ ᐅᑖᐱᓇᒫᓱᐙᒡ ᐐᓇᐙ ᐱᑯ ᐁᑮ ᐅᓀᓂᒫᐙᒡ ᐊᐌᓀᓇᐞ ᐙᐐᐎᐙᒡ᙮ ᑳᑎᐯᒋᑫᒡ ᑕᔥ ᑮᐃᑭᑐ, ᓂᑕᒑᒃ ᓴ ᑳᐐᓐ ᓀᐱᒡ ᐅᑲ ᐐᒋ ᐊᔮᒫᓰᓐ ᐯᒫᑎᓯᓂᒡ, ᐋᓃᔥ ᐊᒋᓇ ᐁᑕ ᑕᐱᒫᑎᓯ, ᓅᑯᒻ ᑕᒫᒋᓭ ᓂᑯᑣᒃ ᓃᔥᑕᓇ 120 ᑕᓱ ᐱᐴᓐ ᐁᑕ ᑕᐱᒫᑎᓯ᙮ ᐃᑭ ᑕᔥ ᐅᑯᓯᓯᒫᒃ ᑳᑮ ᐅᒌᐙᒡ ᑮᔑᑯᕽ ᑮᐐᒌᐙᐙᒡ ᐃᑴᐗᐞ ᐅᐅᒫ ᐊᑮᕽ ᑳᑮ ᐅᒌᓂᒡ, ᐅᑮ ᓂᑖᐎᑭᐋᐙᐞ ᒥᓵᐯᐞ᙮ ᒦᑕᔥ ᑳᑮ ᐅᒋ ᐊᔮᐙᒡ ᒥᓵᐯᒃ ᐃᐃ ᐊᐲ᙮ ᐋᐱᒋ ᑕᔥ ᑮᓲᑫᑖᑯᓯᐗᒃ ᐃᑭ ᒥᓵᐯᒃ, ᒥᓯᐌ ᑲᔦ ᑮᓅᑖᑳᓂᐎᐗᒃ᙮