Աստվածաշնչի հայտնի հատվածներ Lucas 10-ից

Կիսվել

Jesús e-sapinganga sogdebar: “Emide, bemarga gangued an uked, naibemar-birgi, degine, diormar-birgi annaegar. Degine, bela be-isdarad-Satanás-ganguedgi-nakwega bemarga gangued an uked. Amar gwen be-oakalogosurmalad.

Jesús, abin-imakdegu, ega sogded: —Marta, Marta, ibmar-imakedba be surbinsa itonaid, obir-obir be itonaid. Ar unnila ibmar-soggwenbi bur-nuedid. Ar Maríaʼdi ibmar-soggwen-bur-nued susad, an-sunmaked-itoged. A-ibmar Maríaʼgi gwen egwallegosulid.

A-dule, abin-imakdegu, sogded: —‘Bab-Dummad-be-Dummadbi, bela-belad be-gwagegi be sabguoed, bela-belad be-san-burbagi, bela-belad be-ganguedgi, bela-belad be-binsaedgi be sabguoed.’ Deuteronomio 6:5 ” ‘Ar igi na be san-sabgue, deyobi dule-baid be sabgumogoed.’ ” Levítico 19:18

Jesús amarga sogded: “Napira an bemarga soged, nainugi ibmar-gwag-weleged bukidarad, ar e-weemaladdina ichee gued. Degisoggu, nainugi ibdula-gwag-weleged-e-ibedse be wilesakwaa egismar, adi, e-nainuse ibdula-gwag-wemalad-barmidagegar.

Moisés-Igar-Maid-oduloged-nue-wisidga Jesús sogded: —Be itogua, we-dulemar-e-warbaagwad ¿doa bur dule-nailikgusad sabedgi bendas be itosunna? Moisés-Igar-Maid-oduloged-nue-wisid Jesúsʼga sogded: —Ar dule bur-nue dule-nailikgusad-wile-daksad, a-dule, bur dule-baid nue-sabgusdo. Geb degi, Jesús ega sogded: —Igi-Samariaʼgined dule-baid-bendaksad, deyob be imaknamosundo.

”Be namar, sibad-wawaad-sapingwagwadyob, achu-burburmalad-abargi, an bemar barmidmar.