Աստվածաշնչի հայտնի հատվածներ Juan 19-ից

Կիսվել

Jesús a-vino-gagbid-gobsagu, sogded: —Bergussun. Geb degi, Jesús nono-dukin-nadgu, burgwided.

A-sorbali, Jesús bela na e-igargan bergunoni wissoggu, Bab-Dummad-gardagi-narmakar-naidba-guega sogdesunnad: —An uku-uku itoged.

Jesús e-nan-dakargu, degi, e-sapin-na-nue-sabed-dakargu, e-nanga sogded: —Omegwa, we, be-machiga guoed. A-sorba, Jesús e-sapinga sogdemogad: —We, be-nanga gumogoed. A-ibagi, we-sapin e-negse María-yogsear imaksad.

Ar Jesúsʼse warmaksamargudii, dakarmalad bato Jesúsʼdi-burgwar-nai, degisoggu, bar e-ibe dua bichissurmalad. Suar-ibed-wargwendi es-suidgi Jesús-dikar-sikaa imaksad, geb agi, abe, degi, dii, yog-aryoar gusad.

We-ibmar deyob gusad, adi, Bab-Dummad-Gardagi-narmakar-maidba guegar: “E-gar bipisaale gwen bisgelegosulid.” Éxodo 12:46; Números 9:12; Salmo 34:20 Deginbali, baidgi narmakar naibalid: “Dulemar-eswargi-ewarismalad a-dule-dakmaloed.” Zacarías 12:10

Geb degi, Jesús Dule-Nonogarye-neg-nugadse, na dukin e-nakrus-semai nadsunnad. A-neg Hebreo-gayagindi Gólgotaʼye-bileged.

Geb degi, suar-ibmala iko-gurgin sobsamalad. Geb Jesúsʼgi-dododmargu, Jesús-nonogi a-gurgin rey-gurginyob sismalad. Degi, reymor-yoeyobi, ega mor-suir-akwagiid yosmarbalid.