<div class="version vid3946 iso6393lga" data-vid="3946" data-iso6393="lga">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="p"> 1Pa popodalaina sa sa tei koleona tu sa na paranga, ko na paranga isa sa sa suvere tavitia na Tamasa, ko na Tamasa sa na paranga. 2Na paranga sa pa popodalaina tu sa suvere tavitia na Tamasa.</div><div class="p"> 3Qai podaka votu lame vei gu tana paranga sira doru sakasava sa roitiniria na Tamasa, ko kepore kai sa pa vinapodaka sa bike taroiti pa neqi tana paranga. 4Na paranga sa na toa, ko na toa api sa na kabere tadira na tinoni. 5Na kabere sa tolanga pa rodomo, ba na rodomo sake boka amua sa na kabere.</div><div class="p"> 6Ego koleona sa kai tinoni sa garunia na Tamasa, na isongona isa si Jone. 7Isa sa lame kai tinoni ulule ko sa ululenia sa na veveina na kabere, ko ira doru tinoni mai vasosotoa sisa sau. 8Ba isa mekana sa nake kabere, goto sa lame gu ululenia na veveina na kabere sisa.</div><div class="p"> 9Na kabere tu api sa na kabere sosoto sa lame pa kasia gusu, ko sa vakabereria doru tinoni. 10Isa sa lame suvere pa kasia gusu, ko isa tugu sa sa varoitia na Tamasa ko sa roitinia na kasia gusu, ba na kasia gusu sa sake dogoro gigilai sisa. 11Sa lame pa ona gusu mekana sosoto sisa, ba qaike vatogai ira tugu na ona tinoni mekana sisa. 12Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira. 13Qaike podo pa soana kolena bi pa masa na orungu babi pa roroqu tana marene sira, goto na Tamasa tu mekana sa vapodoria.</div><div class="p"> 14Ego sa lame tini tinoni sa na paranga ko sa suvere vaisomanai tamigei ko agei qe dogoria sa na ona malakapi jojonga, isa na malakapi jojonga vei tana Tuna mekai sa koko vei tana Tamana beko ko sa pugelia na vairoqu vaialona beto na sosoto sisa.</div><div class="p"> 15Ko sa ululenia i Jone sa na veveina isa, pira sa vevela votu vei, &lt;&lt;Inana sisa qa pojai ara na veveina totonai pira qau perangaina, &lt;Isa na tinoni mina tuti ligu lamesiu ara sa sa lavata jolanisiu ara, ura qa oqoro pore ara sa sa tei suvereona tu sisa!&gt; qau,&gt;&gt; sau si Jone. 16Pa ona tinamasa pugelena isa sa gita doru taqe somana teku vaitakoiniria sira nona vairoqu vaialona. 17Ura na Vavanau sa sa tavagore vei tu ti Mosese, goto na vairoqu vaialona beto na sosoto sa sa lame vei ti Jisu Karisito. 18Kepore sa kai tinoni bi tei batini matana tu mai sa na Tamasa, goto na Tuna mekai gu, isa na Tamasa, isa sa togasa tana Tamana, isa sa sa ule vakabare vanigita sa na Tamasa.</div><div class="s">I Jone Paputaiso sa Ulenia nona Roiti</div><div class="p"> 19Ego api sa na ulule tai Jone totonai qai garunuria ira na iviva mamata tinoni Jiu pa Jerusalema sira kaki iama beto kaki na bubutu Livai, ko qai lao nanasia sisa, &lt;&lt;I sei sao?&gt;&gt; qarigunia.</div><div class="p"> 20Poni i Jone sa ule votunia beto sake daiona pojaniria, goto sa ule votunia gu, pira sau, &lt;&lt;Ara sa nake Karisito,&gt;&gt; sauniria.</div><div class="p"> 21Poni sa qai nanasia, &lt;&lt;Ko i sei ropi sao? I Elaija?&gt;&gt; qarigunia.</div><div class="p">&lt;&lt;Dai ara nake isa,&gt;&gt; sau si Jone.</div><div class="p">&lt;&lt;Goto i sei tu? Na tinoni kokorotai sao?&gt;&gt; qarigunia.</div><div class="p">Poni sa oeria i Jone sira, &lt;&lt;Dai,&gt;&gt; sau.</div><div class="p"> 22Poni sa pira qarigunia, &lt;&lt;Ko i sei sa ao? Mu ule vanigei ko me mule pojaniria sira qai garunu valamegei. I sei qu doro veinigo mekamu sao?&gt;&gt; qarigunia.</div><div class="p"> 23Poni pira sau si Jone, &lt;&lt;Ara sa</div><div class="q1">Kai ovovele pira sa kukuku vei pa qega:</div><div class="q2">&lt;Mu vatanai sa na soana tana Bangara!&gt;#Aisea 40.3; Matiu 3.3; Maka 1.3; Luke 3.4.</div><div class="m">Isa vei sa korotonia i Aisea na tinoni kokorotai,&gt;&gt; sau si Jone.</div><div class="p"> 24Ira tu na Parese qai garunuria sira na tinoni aipira 25ko qai nanasia si Jone, pira qarigunia, &lt;&lt;Ko vei nake Karisito, nake i Elaija, beto nake tinoni kokorotai sao, poni sa ai sa vei ko qu korapa vaipaputaiso tu sao?&gt;&gt; qarigunia.</div><div class="p"> 26Poni sa oe laoria i Jone sira, &lt;&lt;Ara sa qa paputaisoniria na kolo sira na tinoni, ba sa korapa gu suvereona pa vaikorapaimiu agou sa isa quke gigilai agou. 27Isa sa sa korapa tuti ligu lamesiu ara, ba ara sa qake pada ko mana ruvataria na piko buti tana,&gt;&gt; sau si Jone.</div><div class="p"> 28Na roiti pira sa qai gore votu pa Betani, pa kale sagere tapo pa pie Jodani, ketakoi sa kole vaipaputaiso i Jone.</div><div class="s">Na Lami Tana Tamasa</div><div class="p"> 29Ego ko sa rane ligu neqa sa i Jone sa batia si Jisu sa korapa rerege lame tana, poni sa paranga, &lt;&lt;Doro! Poni sa na lami#1.29 Na lami sa na tuni sipi. Na lami sa qai vavakukuvunia ira na iama tadira na tinoni Izireli ko qai vulasaniria na sela tadira na tinoni Izireli. tana Tamasa, isa sa vulasa paleria na sela tana kasia gusu! 30Na veveina isa sa qa pojai ara tonai pira qau, &lt;Kai tinoni sa korapa tuti ligu lamesiu ara sa sa poreveveina jolanisiu ara, ura sa tei suvereona tu sisa totonai qa oqoro pore sara,&gt; qau. 31Ara ba perangana qake gigilai i sei sisa, ba qa lame vaipaputaisonia gu na kolo sara ko mi bola tadira na tinoni Izireli sisa qau,&gt;&gt; sau si Jone.</div><div class="p"> 32Ko sa ululenia i Jone sira sa batiria, pira sau, &lt;&lt;Qa batia ara sa na Gagala sa igoro gore vei kai kuru pa noka ko sa gore toqoa sisa. 33Ko perangana sa qake gigilai tugu ara sisa, ba isa tu na Tamasa sa garunusiu ko qa vaipaputaisonia na kolo sa pira qiunisiu, &lt;Isa muna batia mina igoro gorea ko mina toqoa na Gagala, sa isa tugu sa sa vaipaputaisonia na Gagala Tabuna,&gt; qiunisiu. 34Ko qa tei bati sosotoa tu ko qa ulenia ara sa isa tugu sa na Tuna na Tamasa,&gt;&gt; sau si Jone.</div><div class="s">Ira na Sepele Momoe ti Jisu</div><div class="p"> 35Ego sa rane ligu neqa totonai sa korapa turu tavitiria karu ona sepele si Jone, 36ko sa batia isa sa korapa rerege lao vei ketakoi si Jisu, sa sa paranga si Jone, &lt;&lt;Doro! Poni sa na lami tana Tamasa!&gt;&gt; sau.</div><div class="p"> 37Ego ko tonai qai nongoria ira karu sepele sisa vei sa parangania isa, poni sa qai lao tutiadia i Jisu sira karu. 38Ego ko totonai sa balinga si Jisu ko sa batiria qai korapa tutia ira karu sisa, sa sa nanasaria, &lt;&lt;Na sa sa qu nyaqoa agou karu?&gt;&gt; sauniria.</div><div class="p">Poni pira qarigu sira karu, &lt;&lt;Rabi, pai qu susuvere sao?&gt;&gt; qarigunia. (Na ginuana Rabi sa na Tinoni Vaivagigalai.)</div><div class="p"> 39Poni sa parangaria i Jisu sira karu, &lt;&lt;Mei, lame tutisiu ko mu batia,&gt;&gt; sauniria.</div><div class="p">Ko qai tutia tugu ko qai lao batia sa na ruma ketakoi sa suvere isa, beto ko sa tei made koloko vevelu tu sa totonai, ko qai kole suveredia tana tinganai sa bongi sa na eqa.</div><div class="p"> 40I Aduru, na tasina i Saimone Pita, sa kame ira karu sa nongoria na parangana i Jone perangana ko sa tutia si Jisu. 41Ba i Aduru sa riu mai tu nyaqoa sa na tugana mekana, i Saimone, ko pira saunia, &lt;&lt;Qokolo, agei qe batia gu sa na Mesaea,&gt;&gt; sau. (Na ginuana na Mesaea sa na Karisito.) 42Beto sa toni laonia ti Jisu si Saimone. Ko totonai sa batia, sa pira saunia i Jisu sisa, &lt;&lt;Ao si Saimone, na tuna i Jone, ba kopira sa muna takukunia i Sipasi sa na isongomu ao,&gt;&gt; sau si Jisu. (Na ginuana nisongo Sipasi#1.42 Na paranga Sipasi sa na paranga Aramaiki beto Pita sa na paranga Qiriki, ko ira karu doru na ginuadi sa na &lt;&lt;patu&gt;&gt;. sa sa vaitoto vei tugu na ginuana nisongo Pita.)</div><div class="s">Sa Kukuria i Jisu sira Pilipi beto i Nataniela</div><div class="p"> 43Ego sa rane ligu neqa poni sa sa taloa lao pa Qalili si Jisu, poni sa bati gosoria isa si Pilipi ko pira saunia, &lt;&lt;Mei, tutisiu!&gt;&gt; saunia.</div><div class="p"> 44I Pilipi sa na tinoni Betiseda, isa na gusu ketakoi qai suvere ira Aduru i Pita. 45I Pilipi sa nyaqoa si Nataniela ko sa parangia, &lt;&lt;Isa na tinoni i Mosese sa kutia na veveina pa Vavanau beto ira na tinoni kokorotai qai kutia na veveina sa qe batia agei. Isa si Jisu pa Nazareti, na tuna i Josepa,&gt;&gt; sau.</div><div class="p"> 46Poni pira saunia i Nataniela sisa, &lt;&lt;Qokolo, mina boka tugu votu lame vei pa Nazareti sa kai sakasava jongana?&gt;&gt; sau.</div><div class="p">Poni sa paranga i Pilipi, &lt;&lt;Mei, lame tutisiu, ko mu batia,&gt;&gt; saunia.</div><div class="p"> 47Ego ko i Jisu sa batia sa korapa lalameona tana si Nataniela, sa pira sa paranga vei, &lt;&lt;Doro, api sa na tinoni Izireli sosoto, isa sake isongo kolea kai seseke!&gt;&gt; sau.</div><div class="p"> 48Poni sa paranga si Nataniela, &lt;&lt;Ai sa vei ko qu boka tu gigilasiu?&gt;&gt; sau.</div><div class="p">Poni sa oea i Jisu sisa, pira saunia, &lt;&lt;Totonai sa oqoro lao kukugo i Pilipi, poni sa ara qa tei bati momoegoqua tu qu kole toqomua pa kuta gou piqi sao,&gt;&gt; sau.</div><div class="p"> 49Poni pira sau si Nataniela, &lt;&lt;Rabi, ao tugu sa na Tuna na Tamasa, ao sa na bangara tadira na tinoni Izireli!&gt;&gt; sau.</div><div class="p"> 50Poni sa oe si Jisu, pira saunia, &lt;&lt;Ai vei, koko vei qa pojanigo gu qa tei bati momoegoqua tu totonai qu kole toqo pa kuta gou piqi qau ara sa qu soni vasosoto? Kode tu muna batiria sira na sakasava mai lavata jolania isa qu batia kopira!&gt;&gt; saunia. 51Beto sa paranga si Jisu, pira sau, &lt;&lt;Sosoto pa sosoto ma pojanigou ara sagou: kode muna batia sa na oka mina tarevanga beto ira na mateana tana Tamasa mai gore sae tana na Tuna Tinoni,&gt;&gt; sau si Jisu.</div>
 </div>
 </div>
</div>

Pa popodalaina sa sa tei koleona tu sa na paranga, ko na paranga isa sa sa suvere tavitia na Tamasa, ko na Tamasa sa na paranga. Na paranga sa pa popodalaina tu sa suvere tavitia na Tamasa.
Qai podaka votu lame vei gu tana paranga sira doru sakasava sa roitiniria na Tamasa, ko kepore kai sa pa vinapodaka sa bike taroiti pa neqi tana paranga. Na paranga sa na toa, ko na toa api sa na kabere tadira na tinoni. Na kabere sa tolanga pa rodomo, ba na rodomo sake boka amua sa na kabere.
Ego koleona sa kai tinoni sa garunia na Tamasa, na isongona isa si Jone. Isa sa lame kai tinoni ulule ko sa ululenia sa na veveina na kabere, ko ira doru tinoni mai vasosotoa sisa sau. Ba isa mekana sa nake kabere, goto sa lame gu ululenia na veveina na kabere sisa.
Na kabere tu api sa na kabere sosoto sa lame pa kasia gusu, ko sa vakabereria doru tinoni. Isa sa lame suvere pa kasia gusu, ko isa tugu sa sa varoitia na Tamasa ko sa roitinia na kasia gusu, ba na kasia gusu sa sake dogoro gigilai sisa. Sa lame pa ona gusu mekana sosoto sisa, ba qaike vatogai ira tugu na ona tinoni mekana sisa. Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira. Qaike podo pa soana kolena bi pa masa na orungu babi pa roroqu tana marene sira, goto na Tamasa tu mekana sa vapodoria.
Ego sa lame tini tinoni sa na paranga ko sa suvere vaisomanai tamigei ko agei qe dogoria sa na ona malakapi jojonga, isa na malakapi jojonga vei tana Tuna mekai sa koko vei tana Tamana beko ko sa pugelia na vairoqu vaialona beto na sosoto sisa.
Ko sa ululenia i Jone sa na veveina isa, pira sa vevela votu vei, <<Inana sisa qa pojai ara na veveina totonai pira qau perangaina, <Isa na tinoni mina tuti ligu lamesiu ara sa sa lavata jolanisiu ara, ura qa oqoro pore ara sa sa tei suvereona tu sisa!> qau,>> sau si Jone. Pa ona tinamasa pugelena isa sa gita doru taqe somana teku vaitakoiniria sira nona vairoqu vaialona. Ura na Vavanau sa sa tavagore vei tu ti Mosese, goto na vairoqu vaialona beto na sosoto sa sa lame vei ti Jisu Karisito. Kepore sa kai tinoni bi tei batini matana tu mai sa na Tamasa, goto na Tuna mekai gu, isa na Tamasa, isa sa togasa tana Tamana, isa sa sa ule vakabare vanigita sa na Tamasa.

Ego api sa na ulule tai Jone totonai qai garunuria ira na iviva mamata tinoni Jiu pa Jerusalema sira kaki iama beto kaki na bubutu Livai, ko qai lao nanasia sisa, <> qarigunia.
Poni i Jone sa ule votunia beto sake daiona pojaniria, goto sa ule votunia gu, pira sau, <<Ara sa nake Karisito,>> sauniria.
Poni sa qai nanasia, <<Ko i sei ropi sao? I Elaija?>> qarigunia.
<<Dai ara nake isa,>> sau si Jone.
<<Goto i sei tu? Na tinoni kokorotai sao?>> qarigunia.
Poni sa oeria i Jone sira, <<Dai,>> sau.
Poni sa pira qarigunia, <<Ko i sei sa ao? Mu ule vanigei ko me mule pojaniria sira qai garunu valamegei. I sei qu doro veinigo mekamu sao?>> qarigunia.
Poni pira sau si Jone, <<Ara sa
Kai ovovele pira sa kukuku vei pa qega:
<Mu vatanai sa na soana tana Bangara!>
Isa vei sa korotonia i Aisea na tinoni kokorotai,>> sau si Jone.
Ira tu na Parese qai garunuria sira na tinoni aipira ko qai nanasia si Jone, pira qarigunia, <<Ko vei nake Karisito, nake i Elaija, beto nake tinoni kokorotai sao, poni sa ai sa vei ko qu korapa vaipaputaiso tu sao?>> qarigunia.
Poni sa oe laoria i Jone sira, <<Ara sa qa paputaisoniria na kolo sira na tinoni, ba sa korapa gu suvereona pa vaikorapaimiu agou sa isa quke gigilai agou. Isa sa sa korapa tuti ligu lamesiu ara, ba ara sa qake pada ko mana ruvataria na piko buti tana,>> sau si Jone.
Na roiti pira sa qai gore votu pa Betani, pa kale sagere tapo pa pie Jodani, ketakoi sa kole vaipaputaiso i Jone.

Ego ko sa rane ligu neqa sa i Jone sa batia si Jisu sa korapa rerege lame tana, poni sa paranga, <<Doro! Poni sa na lami tana Tamasa, isa sa vulasa paleria na sela tana kasia gusu! Na veveina isa sa qa pojai ara tonai pira qau, <Kai tinoni sa korapa tuti ligu lamesiu ara sa sa poreveveina jolanisiu ara, ura sa tei suvereona tu sisa totonai qa oqoro pore sara,> qau. Ara ba perangana qake gigilai i sei sisa, ba qa lame vaipaputaisonia gu na kolo sara ko mi bola tadira na tinoni Izireli sisa qau,>> sau si Jone.
Ko sa ululenia i Jone sira sa batiria, pira sau, <<Qa batia ara sa na Gagala sa igoro gore vei kai kuru pa noka ko sa gore toqoa sisa. Ko perangana sa qake gigilai tugu ara sisa, ba isa tu na Tamasa sa garunusiu ko qa vaipaputaisonia na kolo sa pira qiunisiu, <Isa muna batia mina igoro gorea ko mina toqoa na Gagala, sa isa tugu sa sa vaipaputaisonia na Gagala Tabuna,> qiunisiu. Ko qa tei bati sosotoa tu ko qa ulenia ara sa isa tugu sa na Tuna na Tamasa,>> sau si Jone.

Ego sa rane ligu neqa totonai sa korapa turu tavitiria karu ona sepele si Jone, ko sa batia isa sa korapa rerege lao vei ketakoi si Jisu, sa sa paranga si Jone, <<Doro! Poni sa na lami tana Tamasa!>> sau.
Ego ko tonai qai nongoria ira karu sepele sisa vei sa parangania isa, poni sa qai lao tutiadia i Jisu sira karu. Ego ko totonai sa balinga si Jisu ko sa batiria qai korapa tutia ira karu sisa, sa sa nanasaria, <<Na sa sa qu nyaqoa agou karu?>> sauniria.
Poni pira qarigu sira karu, <<Rabi, pai qu susuvere sao?>> qarigunia. (Na ginuana Rabi sa na Tinoni Vaivagigalai.)
Poni sa parangaria i Jisu sira karu, <<Mei, lame tutisiu ko mu batia,>> sauniria.
Ko qai tutia tugu ko qai lao batia sa na ruma ketakoi sa suvere isa, beto ko sa tei made koloko vevelu tu sa totonai, ko qai kole suveredia tana tinganai sa bongi sa na eqa.
I Aduru, na tasina i Saimone Pita, sa kame ira karu sa nongoria na parangana i Jone perangana ko sa tutia si Jisu. Ba i Aduru sa riu mai tu nyaqoa sa na tugana mekana, i Saimone, ko pira saunia, <<Qokolo, agei qe batia gu sa na Mesaea,>> sau. (Na ginuana na Mesaea sa na Karisito.) Beto sa toni laonia ti Jisu si Saimone. Ko totonai sa batia, sa pira saunia i Jisu sisa, <<Ao si Saimone, na tuna i Jone, ba kopira sa muna takukunia i Sipasi sa na isongomu ao,>> sau si Jisu. (Na ginuana nisongo Sipasi sa sa vaitoto vei tugu na ginuana nisongo Pita.)

Ego sa rane ligu neqa poni sa sa taloa lao pa Qalili si Jisu, poni sa bati gosoria isa si Pilipi ko pira saunia, <<Mei, tutisiu!>> saunia.
I Pilipi sa na tinoni Betiseda, isa na gusu ketakoi qai suvere ira Aduru i Pita. I Pilipi sa nyaqoa si Nataniela ko sa parangia, <<Isa na tinoni i Mosese sa kutia na veveina pa Vavanau beto ira na tinoni kokorotai qai kutia na veveina sa qe batia agei. Isa si Jisu pa Nazareti, na tuna i Josepa,>> sau.
Poni pira saunia i Nataniela sisa, <<Qokolo, mina boka tugu votu lame vei pa Nazareti sa kai sakasava jongana?>> sau.
Poni sa paranga i Pilipi, <<Mei, lame tutisiu, ko mu batia,>> saunia.
Ego ko i Jisu sa batia sa korapa lalameona tana si Nataniela, sa pira sa paranga vei, <<Doro, api sa na tinoni Izireli sosoto, isa sake isongo kolea kai seseke!>> sau.
Poni sa paranga si Nataniela, <<Ai sa vei ko qu boka tu gigilasiu?>> sau.
Poni sa oea i Jisu sisa, pira saunia, <<Totonai sa oqoro lao kukugo i Pilipi, poni sa ara qa tei bati momoegoqua tu qu kole toqomua pa kuta gou piqi sao,>> sau.
Poni pira sau si Nataniela, <<Rabi, ao tugu sa na Tuna na Tamasa, ao sa na bangara tadira na tinoni Izireli!>> sau.
Poni sa oe si Jisu, pira saunia, <<Ai vei, koko vei qa pojanigo gu qa tei bati momoegoqua tu totonai qu kole toqo pa kuta gou piqi qau ara sa qu soni vasosoto? Kode tu muna batiria sira na sakasava mai lavata jolania isa qu batia kopira!>> saunia. Beto sa paranga si Jisu, pira sau, <<Sosoto pa sosoto ma pojanigou ara sagou: kode muna batia sa na oka mina tarevanga beto ira na mateana tana Tamasa mai gore sae tana na Tuna Tinoni,>> sau si Jisu.

Լսել Jone 1