<div class="version vid2948 iso6393kri" data-vid="2948" data-iso6393="kri">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Wetin di Buk T&#596;k B&#596;t</span></div><div class="ip"><span class="content">Di w&#596;d J&#603;n&#603;sis min s&#596;ntin bigin &#596; usay i k&#596;m&#596;t. Dis buk we nem J&#603;n&#603;sis de t&#596;k b&#596;t aw PAPA G&#390;D mek di wanol w&#596;l &#603;n aw i sho k&#596;nsan f&#596; in pipul d&#603;m. Di buk t&#596;k b&#596;t aw PAPA G&#390;D mek m&#596;talman, aw sin kam na di w&#596;l, &#603;n aw m&#596;talman de s&#596;fa bik&#596;s &#596;f in sin &#603;n di we we PAPA G&#390;D de dil wit m&#596;talman na dis w&#596;l.</span></div><div class="ip"><span class="content">Wi kin divayd &#596;l wetin de insay J&#603;n&#603;sis to tu pat. Di f&#596;s pat we na Chapta 1 to Chapta 11 t&#596;k b&#596;t aw PAPA G&#390;D mek di w&#596;l, aw i mek Adam &#603;n Iv we na bin di f&#596;s m&#596;talman d&#603;m na di w&#596;l, aw sin kam na di w&#596;l &#603;n aw PAPA G&#390;D bin g&#603;t f&#596; pw&#603;l &#596;ltin na di w&#596;l. B&#596;t we PAPA G&#390;D bin de pw&#603;l tin d&#603;n na di w&#596;l, i bin s&#596;ri f&#596; wan man we nem Noa, &#603;n in w&#603;f &#603;n in b&#596;ypikin d&#603;m &#603;n d&#603;n w&#603;f d&#603;m. I bin l&#603;f s&#596;m pan &#596;l di animal d&#603;n we i bin mek. Na dis bin mek layf k&#596;ntinyu na di w&#596;l afta di fl&#596;d.</span></div><div class="ip"><span class="content">Afta di fl&#596;d, di pipul d&#603;n bin bigin f&#596; bil wan tawa na wan siti we nem Beb&#603;l. D&#603;n bin de bil dis tawa so dat i go t&#596;ch di skay. B&#596;t PAPA G&#390;D bin v&#603;ks pan d&#603;m &#603;n skata d&#603;m &#596;l&#596;b&#596;t na di w&#596;l bik&#596;s d&#603;n n&#596; bin de du wetin i t&#603;l d&#603;n f&#596; du.</span></div><div class="ip"><span class="content">Di s&#603;k&#603;n pat we na Chapta 12 to Chapta 50 t&#596;k b&#596;t di papa d&#603;n f&#596; di Izr&#603;l pipul d&#603;n. Di f&#596;s wan na Ebraam we di buk t&#596;k b&#596;t aw i biliv PAPA G&#390;D &#603;n bin de du wetin i se. Afta dat di buk t&#596;k b&#596;t Ebraam i pikin Ayzak &#603;n in grampikin Jek&#596;b. Na Jek&#596;b in tw&#603;lv b&#596;ypikin d&#603;m na bin di papa d&#603;m f&#596; di tw&#603;lv trayb d&#603;n na Izr&#603;l. Dis buk t&#596;k m&#596; b&#596;t Jos&#603;f we na wan pan Jek&#596;b in tw&#603;lv b&#596;ypikin d&#603;m. Di buk t&#596;k b&#596;t aw Jek&#596;b &#603;n &#596;l in J&#603;naresh&#596;n da t&#603;m de bin k&#596;m&#596;t na Kenan go tap na Ijipt usay Jos&#603;f bin de.</span></div><div class="ip"><span class="content">Di imp&#596;tant tin we p&#596;sin f&#596; no b&#596;t dis buk na dat di buk de t&#596;k b&#596;t wetin PAPA G&#390;D du. We di buk bigin, i t&#596;k b&#596;t aw PAPA G&#390;D mek di wanol w&#596;l &#603;n i &#603;nd wit PAPA G&#390;D in pr&#596;mis we se i go k&#596;ntinyu f&#596; sho k&#596;nsan f&#596; in pipul d&#603;m.</span></div><div class="ip"><span class="content">Di buk sho aw PAPA G&#390;D bin de j&#596;j in pipul d&#603;m, aw i bin de p&#596;nish di wan d&#603;n we du bad &#603;n aw i bin de &#603;p in pipul d&#603;n &#603;n de sho d&#603;m wetin &#603;n wetin f&#596; du. D&#603;n rayt di buk f&#596; mek wi go no di G&#596;d we di Ibru pipul d&#603;n biliv pan &#603;n f&#596; mek di Ibru pipul d&#603;n k&#596;ntinyu f&#596; biliv pan PAPA G&#390;D.</span></div><div class="iot"><span class="content">Wetin De Insay Di Buk</span></div><div class="io1"><span class="content">Aw PAPA G&#390;D mek di w&#596;l &#603;n m&#596;talman 1:1&#8211;2:25</span></div><div class="io1"><span class="content">Aw sin &#603;n s&#596;fa kam na di w&#596;l 3:1-24</span></div><div class="io1"><span class="content">Fr&#596;m Adam to Noa 4:1&#8211;5:32</span></div><div class="io1"><span class="content">Di Babil&#596;n Tawa 11:1-9</span></div><div class="io1"><span class="content">Fr&#596;m Sh&#603;m to Ebram 11:10-32</span></div><div class="io1"><span class="content">Di man d&#603;n we PAPA G&#390;D put bifo: Ebram Ayzak &#603;n Jekob 12:1&#8211;35:29</span></div><div class="io1"><span class="content">Di pipul d&#603;n na Is&#596; in layn 36:1-43</span></div><div class="io1"><span class="content">Jos&#603;f &#603;n in br&#596;da d&#603;n 37:1&#8211;45:28</span></div><div class="io1"><span class="content">We di Izr&#603;layt d&#603;n bin de Ijipt 46:1&#8211;50:26</span></div>
        </div>
    </div>
</div>

Krio Bible © The Bible Society of Sierra Leone, 2013.

Wetin di Buk Tɔk Bɔt
Di wɔd Jɛnɛsis min sɔntin bigin ɔ usay i kɔmɔt. Dis buk we nem Jɛnɛsis de tɔk bɔt aw PAPA GƆD mek di wanol wɔl ɛn aw i sho kɔnsan fɔ in pipul dɛm. Di buk tɔk bɔt aw PAPA GƆD mek mɔtalman, aw sin kam na di wɔl, ɛn aw mɔtalman de sɔfa bikɔs ɔf in sin ɛn di we we PAPA GƆD de dil wit mɔtalman na dis wɔl.
Wi kin divayd ɔl wetin de insay Jɛnɛsis to tu pat. Di fɔs pat we na Chapta 1 to Chapta 11 tɔk bɔt aw PAPA GƆD mek di wɔl, aw i mek Adam ɛn Iv we na bin di fɔs mɔtalman dɛm na di wɔl, aw sin kam na di wɔl ɛn aw PAPA GƆD bin gɛt fɔ pwɛl ɔltin na di wɔl. Bɔt we PAPA GƆD bin de pwɛl tin dɛn na di wɔl, i bin sɔri fɔ wan man we nem Noa, ɛn in wɛf ɛn in bɔypikin dɛm ɛn dɛn wɛf dɛm. I bin lɛf sɔm pan ɔl di animal dɛn we i bin mek. Na dis bin mek layf kɔntinyu na di wɔl afta di flɔd.
Afta di flɔd, di pipul dɛn bin bigin fɔ bil wan tawa na wan siti we nem Bebɛl. Dɛn bin de bil dis tawa so dat i go tɔch di skay. Bɔt PAPA GƆD bin vɛks pan dɛm ɛn skata dɛm ɔlɔbɔt na di wɔl bikɔs dɛn nɔ bin de du wetin i tɛl dɛn fɔ du.
Di sɛkɛn pat we na Chapta 12 to Chapta 50 tɔk bɔt di papa dɛn fɔ di Izrɛl pipul dɛn. Di fɔs wan na Ebraam we di buk tɔk bɔt aw i biliv PAPA GƆD ɛn bin de du wetin i se. Afta dat di buk tɔk bɔt Ebraam i pikin Ayzak ɛn in grampikin Jekɔb. Na Jekɔb in twɛlv bɔypikin dɛm na bin di papa dɛm fɔ di twɛlv trayb dɛn na Izrɛl. Dis buk tɔk mɔ bɔt Josɛf we na wan pan Jekɔb in twɛlv bɔypikin dɛm. Di buk tɔk bɔt aw Jekɔb ɛn ɔl in Jɛnareshɔn da tɛm de bin kɔmɔt na Kenan go tap na Ijipt usay Josɛf bin de.
Di impɔtant tin we pɔsin fɔ no bɔt dis buk na dat di buk de tɔk bɔt wetin PAPA GƆD du. We di buk bigin, i tɔk bɔt aw PAPA GƆD mek di wanol wɔl ɛn i ɛnd wit PAPA GƆD in prɔmis we se i go kɔntinyu fɔ sho kɔnsan fɔ in pipul dɛm.
Di buk sho aw PAPA GƆD bin de jɔj in pipul dɛm, aw i bin de pɔnish di wan dɛn we du bad ɛn aw i bin de ɛp in pipul dɛn ɛn de sho dɛm wetin ɛn wetin fɔ du. Dɛn rayt di buk fɔ mek wi go no di Gɔd we di Ibru pipul dɛn biliv pan ɛn fɔ mek di Ibru pipul dɛn kɔntinyu fɔ biliv pan PAPA GƆD.
Wetin De Insay Di Buk
Aw PAPA GƆD mek di wɔl ɛn mɔtalman 1:1–2:25
Aw sin ɛn sɔfa kam na di wɔl 3:1-24
Frɔm Adam to Noa 4:1–5:32
Di Babilɔn Tawa 11:1-9
Frɔm Shɛm to Ebram 11:10-32
Di man dɛn we PAPA GƆD put bifo: Ebram Ayzak ɛn Jekob 12:1–35:29
Di pipul dɛn na Isɔ in layn 36:1-43
Josɛf ɛn in brɔda dɛn 37:1–45:28
We di Izrɛlayt dɛn bin de Ijipt 46:1–50:26

Լսել Jɛnɛsis Wetin di Buk Tɔk Bɔt