Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s">Jesus Ure Pogora Pegareu Imedu Pemegago</div><div class="p"> 1Nono Jesus ure turemo ika kurireuto pugeje. Ure tugirimi nou pobo maereu kajeje pugeje nou ture jorduwadowugebo. Dukejere etaregodure nou Jesus mugure kejewu ba kurireu ka. 2Nono ia boe etaregodure ia imedu pogora pegareu apo. Nou imedu pogora pegareu padure tugudau kodo keje. Jesus jordure emeartorure pudui duji kodire etaregodure aino nou imedu pogora pegareu apo pudae rugadu duji. Dukodire makore nou imedu pogora pegareuji. Akore: &#8211; Me. Ire aro pegareu jamedu boe barigu apiji dukodire Pao Kurireu biagodumode aro pegare jiboe piji rugadu.</div><div class="p"> 3Ia boe eimijerage jorduware Judeu doge eno bakaru jiwuge etaidukare nou Jesus akoino duji. Egore tudada: &#8211; Awu makore jiboe ukare turugadu! Pagare akoino. Unure tudo nono Pao Kurireure. Tu Pao Kurireu umode boe ero pegareu barigu boe epiji.</div><div class="p"> 4Jesus jorduware emeardaere jiboeji rugadu. Dukodire makore ei. Akore: &#8211; Ko&#269;are kodiba tameardae pegare aino i. 5Boe jokodu. Boe emodukare boe ero pegareu barigu boe epiji rugadu. Tu Pao Kurireu umode boe ero pegareu barigu boe epiji rugadu. Mare boe emodukare awu imedu pogora pegareu pemegago jamedu. Emodukare pemegago rugadu. Tu Pao Kurireu koiare umode nou imedu pogora pemegago. 6Dukodire imode awu imedu pemegago dukeje tarduwamode Imedu Onaregedu nure imi duji. Dukodire imode tarduwado iragare iwo boe ero pegareu barigu epiji ewarigudukawo bope doge eda kejewu joru pegareuto rugadu.</div><div class="p">Ainore Jesus akore nou boe eimijeragei. Nono ure tuie mekido nou imedu pogora pegareu ae. Nono makore ji. Akore: &#8211; Me. Aragojedo. Akeragu akudau kodoji atuwo tabo aibagi awai ka.</div><div class="p"> 7&#268;a nou imedu ure turagojedo rugadu. Meru pegakare dukodire uture tuwai ka rugadu. 8Nou boe eiamedu boe erdure nou rore aino duji. Erore ta je. Mare emago pemegare Pao Kurireuji. Egore emaie roino Jesusji uwo nou imedu pogora pegareu pemegago.</div><div class="s">Jesus Makore Mateus Bagai</div><div class="p"> 9Jesus uture nou boe epiji. Kodure awaraji dukeje jordure ure tugeragu boe enoe mori jiwu imeduji. Du iere Mateus. Nou Mateus mugure nono ira keje. Nonore ure tugeragu dieroji boe epiji tuwo maku boe eimijera kurireu ai.#9.9 Brae eno tabo egore cobrador de impostos aino nou Mateus maragodaeji. Ure tugeragu dieroji boe epiji boe eimijera ai. Nou mariguduwuge Judeu doge erdu pegare nou maragodure ainowugei. Egore ro pegareuge nuie emage rugadu. Mare paga karega. Nou boe ere tugeragu dieroji boe epiji. Nono ere nou diero maku tugimijerage etai mare ere ia tawuje to&#269;e. Ekare jamedu boe maku tugimijerage etai. Dukodire boe egore ro pegareuge nuie emage rugadu. Dukodire Jo&#227;o Batista makore nou cobrador de imposto boei ekiwogukawo boei. (Akaiwodo Lucas 3.12-13) Nono Jesus makore ji. Akore: &#8211; Ako itabo.</div><div class="p">Nono Mateus ure turagojedo. Ure tugera ra tumaragodae piji tuduwo Jesus apo rugadu.</div><div class="p"> 10Mateus makore Jesusji okwagewo tuwai keje pudabo. Dukodire Jesus uture Mateus apo toro uwai ka. Jesus ure jorduwadowuge eture Jesus apo jamedu. Boe emagare nono togwage tabo ebo. Imposto diero makudure aiwuge ime nure emage. Boe egore ro pegareuge enuie emage. Ia boe etaidukare jiwuge eragojere nono Jesus apo jamedu. 11Fariseu doge etaregodure toro etae jamedu. Erdure Jesus rore jiboeji dukeje emagore nou Jesus ure jorduwadowugei. Egore: &#8211; Ko&#269;are tagimijera okwagere awu ro pegareugebo? Ukare turugadu!</div><div class="p"> 12Jesus meardure egoino duji dukeje makore nou fariseu doge ewadaru jipagi. Akore: &#8211; Jorubo kuru epa jemarumodukare kogodukareuge ewagai. Mare kogodureuge ewagaire jemarumode tuwo epemegago. 13Irore nono nou jorubo kuru epa ro mogadure. Mare jorubo kuru epa ji karega inagoino. Itaregodure woe mare ro pemegareuge ewagai karega iroino. Ro pegareuge ewagaire iroino ewo tugera ra turo pegareu piji. Dujire inagoino. Marigudu Pao Kurireu ure tawie. Tagaiwodo nou Pao Kurireu bagai. Akore: &#8220;Boe emode boe egu barogo rogu kowu tuwo maku inai turo pegareu mori&#269;e. Mare itaidure boe enogudugoduwo puapo rugadu. Dujire itaidure rugadu.&#8221;#9.13 Awu bataru padure Os&#233;ias 6.6 keje. Ainore Pao Kurireu akore marigudu. &#268;a tarduwado nou bataruji tameartoruwo ji tarore jiboe tabo.</div><div class="s">Boe Enarare Jesusji Ure Jorduwadowuge Ero Bagai</div><div class="p"> 14Ia meri keje Jo&#227;o Batista ure jorduwadowuge etaregodure Jesus ae. Egore: &#8211; Ia meri keje &#269;enogwagemodukare nou meriji &#269;emagowo Pao Kurireu bagai baruto nou meri keje. Ainore &#269;erore. Fariseu doge eromode aino jamedu &#269;ero mogadure. Kodiba nou are jorduwadowuge erokare aino jamedu?</div><div class="p"> 15Jesus makore ewadaru jipagi. Akore: &#8211; Ire nono uwiremodewu imedu mogadure. Boe etuwirere dukeje boe ere tuwadae towuje. Nou ewadae kejere boe enogwagemode rugadu. Ewadae reno. Ekiarigodumodukare nou meriji. Mare ewadae akedure dukeje uwirereu imedu utumode epiji toreduje apo. Dukejere &#269;are boe emode ia meri tawuje togwagekawo nou meriji tumagowo Pao Kurireu bagai baruto nou meriji. Ire nono nou uwiremodewu imedu mogadure. Mare uwiremodewu imedu ji karega inagoino. Ire inagoino. Ire irawuje baru piji mato boe ewagai. Mare ia meri keje itumode nou boe epiji. Dujire inagoino. Itumode nou boe epiji dukeje boe emode ia meri tawuje togwagekawo nou meriji tumagowo Pao Kurireu bagai baruto nou meri keje. Dujire inagoino. 16Boe ekudau areia pegagodureu umode tuwowuje. Mare boe emodukare tugudau areia maiwu kado tuwo nou tugudau pegagodureu poro miwuje tabo. Boe eromode aino dukeje nou ekudau areia maiwu gigirimode. Dukodire umode tuwowuje nou boe ekudau areia pegagodureu piji kuri je rugadu. Dukodire nou ekudau areia pegagodureu umode tuwowuje ja je pugeje.#9.16 Boe emode tugudau areia maiwu kabi dukeje gigirimode. Brae egore &#8220;encolhe&#8221; aino. Mare boe ekudau areia pegagodureu gigirimodukare pugeje. Dukodire boe ekare tugudau pegagodureu poro miwuje boe ekudau areia maiwu tabo. Mare areia ji karega Jesus akoino. Tuwadaru maiwu jire akoino. Boe emeartorumode nou bataru maiwuji dukeje emode tugera ra nou turo mariguduwu piji. Dujire akoino. 17Boe ere tapira biri maiwu pemegado nou tuge vinho kuru maiwu ja&#269;e. Mare emode vinho kuru maiwu tugu tapira biri &#269;odureuto dukeje nou tapira biri &#269;odureu umode tuwowuje. Nono nou vinho kuru umode tuwarigu nou tapira biri &#269;odureu piji rugadu. Dukodire boe ekare tuge vinho kuru maiwu tugu tapira biri &#269;odureuto. Ere tuge vinho kuru maiwu tugu tapira biri maiwuto tu tu je.#9.17 Vinho kuru maiwu mugu raimode tuia tada dukeje umode tugurido tu je. Nou tapira biri maiwu ja umode tuiado gu gu je. Mare nou tapira biri &#269;odureu umodukare tuiado pugeje pegagodure kodi. Dukodire nou vinho kuru maiwu umode nou tapira biri &#269;odureu ja bowuje. Dukodire nou mariguduwuge ere vinho kuru maiwu tugu tu tapira biri maiwu jato. Mare vinho kuru ji karega Jesus akoino. Tuwadaru maiwu jire akoino. Boe emeartorumode nou bataru maiwuji dukeje emode tugera ra nou turo mariguduwu piji. Dujire akoino.</div><div class="p">Ainore Jesus akore. Mare areia ji karega akoino. Vinho kuru ji karega akoino. Tuwadaru maiwu jire Jesus akoino.</div><div class="s">Jesus Ure Areme Epemegago</div><div class="p"> 18Jesus akoino dukeje ia boe eimijera#9.18 Judeu doge ere bato puiwu bai tadawu boe eimijera nure ema. aregodure ae. Ure tubu jodo moto keje Jesus jokorai. Makore Jesusji. Akore: &#8211; Itonaregedu aredu bire aino maigodu. Mare atudo itabo iwai ka awo akera bu nou itonaregedu aredu biri keje dukeje jewodumode pugeje.</div><div class="p"> 19Jesus ure turagojedo tumuga piji. Uture nou boe eimijera apo toro uwai ka ture jorduwadowugebo.</div><div class="p"> 20-21Ekodure awaraji dukeje ia aredu kodure ebo Jesus rekodaji. Marigudu nou aredu kogodaere tu tu je. Nou aredu ku rere piji nono areme etorewudae mogadure. Mare nou aredu o akedukare piji. Re kimonure piji meri jameduji. Joru oto padu kejeboere doze nou aredu ku rere piji duji. Aino nou aredu makore tudada. Akore: &#8211; Imode ikera otorogu jetudo Jesus ukudau areiaji dukeje ipemegagodumode.</div><div class="p">Ainore nou aredu akore tudada. Dukodire nou aredu ure tugera raido. Nono iera otorogu jeture Jesus ukudau areiaji. 22Nono Jesus ure tuie mekido. Jordure nou areduji rugadu. Akore: &#8211; Are. Ameartorure i rugadu. Dukodire apemegagodumode rugadu.</div><div class="p">Nono nou aredu pemegagodure ta&#269;i je rugadu.</div><div class="p"> 23-24Nono Jesus aregodure nou boe eimijera uwai ka. Boe emagare nono tragudu tabo. Edukiorokare. Nou boe ere tuwabo ako rakado jamedu. Jesus jordure nou inoduji dukeje makore nou boei. Akore: &#8211; Tadawuje awu bai piji. Aredu rogu bikare. Unudunure tu je.</div><div class="p">Mare nou boe erduware nou nogwaredu bire rugadu duji dukodire enogwarigodure Jesusji. 25Mare nou boe eimijera ure nou boe etawuje tuwai piji. Dukejere Jesus ure turemo nou nogwaredu padure tadawu baito. Dukeje ure tugeragu nou nogwaredu ieraji. Nono nou nogwaredu jewodure pugeje rugadu. Ure tumugudo rugadu. 26Nou boe erduware nou inoduji dukodire ereadodure boe eiamedu boe ewiagai awu Jesus rore jiboeji nou moto jamedu boe parugajeje.</div><div class="s">Jesus Ure Ime Epemegago Jamedu</div><div class="p"> 27Nono Jesus uture pugeje. Mare ia ime joku bokwareuge ekodure Jesus rekodaji. Ere pobe. Ekudugodure Jesus bagai. Egore: &#8211; Mariguduwu Judeu doge eimijera kurireu Davi uwobe nure aki. Akogudugo &#269;edabo.</div><div class="p"> 28Jesus ure turemo ia baito. Nono nou ime joku bokwareuge ere turemo Jesus rekodaji. Etaregodure Jesus ae rugadu. Jesus makore ei. Akore: &#8211; Tameartorure i imode tabemegago duji rugadu kana?</div><div class="p">Egore: &#8211; Uu. &#268;egimijera nure aki.</div><div class="p"> 29Dukejere Jesus ure tugera bu eku keje. Nono makore ei. Akore: &#8211; Tameartorure jiboe jetuwo pudui tai rugadu.</div><div class="p"> 30Nono epemegagodure ta&#269;i je rugadu. Etaiwore pugeje rugadu. Mare Jesus makogodure ei. Akore: &#8211; Tareadodukaba boe ewiagai awu irore jiboeji.</div><div class="p"> 31Mare eture Jesus piji dukeje ereadodure Jesus rore jiboeji boe eiamedu boe ewiagai nou moto rugadu boe parugajeje.</div><div class="p"> 32Eture dukeje iage etaregodure ia imedu apo Jesus bagai pugeje. Nou imedu mako bokware. Roiwakare tumagowo. Bope meture tada kodi. 33Mare Jesus ure nou bope tawuje nou imedu piji dukeje nou imedu makore pugeje. Boe emagare nono tuiordure Jesus roino jitu tabo. Eiamedu boe ebogodure rugadu. Egore: &#8211; Marigudu Israel moto kejewu boe erdukare ia awu inodu boeji jii aino.</div><div class="p"> 34Mare fariseu doge etaidukare Jesus rore jiboeji. Emago pegare ji. Egore: &#8211; Bope doge eimijera kurireu raka tabore awu Jesus roino tuwo bope doge etawuje boe epiji.</div><div class="s">Maragodure Pao Kurireu Aiwuge Emagakare</div><div class="p"> 35Jesus kodure nou moto jamedu boe parugajeje boe eda jamedu boe ka. Aregodumode ia boe eda ka dukeje ure turemo nou Judeu doge ere bato pui towu baito. Nonore ure erduwado tuwadaru pemegareuji tu tu je. Ure ewie Pao Kurireu umoduie boe eimijerado pudumi kuri je rugadu. Ure kogodureuge eiamedu boe epemegago jamedu. 36Boe emagare Jesus apo tu tu je. Jesus jordure nou boei dukeje okudugodure ebo rugadu. Akore eie nono ovelha doge emogadure. Jetu pemegare eiwu bokwaie. Boe pegaie ei. Erduwakaie nuba turomode. Mare ovelha ji karega akoino. Nou boe eroiwakare tuwo tuginorudo. Dujire akoino. Ure erduwado Pao Kurireu bataru remawu jiwu bokware. Dujire akoino. 37Nono Jesus makore ture jorduwadowugei. Akore: &#8211; Boepa kurire rugadu. Nou boepa tadaboe ure turugadu boe ewo kado. Mare umode boepa tadaboe kadowuge emagakare. 38Dukodire tamagodo baruto Pao Kurireu bagai. Boepa jiwu boe eimijera kurireu nure ema. Tamagodo ji maragoduwo boepa jiwuge emagawo etuwo boepato ewo boepa tadaboe kado rugadu.</div><div class="p">Mare boepa ji karega Jesus akoino. Meartorumode Pao Kurireu jiwugeire akoino. Boe emode boe erduwado Pao Kurireu bataruji dukeje emeartorumode ji, Pao Kurireu umode ekinorudo. Dujire akoino.</div>
 </div>
 </div>
</div>

Nono Jesus ure turemo ika kurireuto pugeje. Ure tugirimi nou pobo maereu kajeje pugeje nou ture jorduwadowugebo. Dukejere etaregodure nou Jesus mugure kejewu ba kurireu ka. Nono ia boe etaregodure ia imedu pogora pegareu apo. Nou imedu pogora pegareu padure tugudau kodo keje. Jesus jordure emeartorure pudui duji kodire etaregodure aino nou imedu pogora pegareu apo pudae rugadu duji. Dukodire makore nou imedu pogora pegareuji. Akore: – Me. Ire aro pegareu jamedu boe barigu apiji dukodire Pao Kurireu biagodumode aro pegare jiboe piji rugadu.
Ia boe eimijerage jorduware Judeu doge eno bakaru jiwuge etaidukare nou Jesus akoino duji. Egore tudada: – Awu makore jiboe ukare turugadu! Pagare akoino. Unure tudo nono Pao Kurireure. Tu Pao Kurireu umode boe ero pegareu barigu boe epiji.
Jesus jorduware emeardaere jiboeji rugadu. Dukodire makore ei. Akore: – Kočare kodiba tameardae pegare aino i. Boe jokodu. Boe emodukare boe ero pegareu barigu boe epiji rugadu. Tu Pao Kurireu umode boe ero pegareu barigu boe epiji rugadu. Mare boe emodukare awu imedu pogora pegareu pemegago jamedu. Emodukare pemegago rugadu. Tu Pao Kurireu koiare umode nou imedu pogora pemegago. Dukodire imode awu imedu pemegago dukeje tarduwamode Imedu Onaregedu nure imi duji. Dukodire imode tarduwado iragare iwo boe ero pegareu barigu epiji ewarigudukawo bope doge eda kejewu joru pegareuto rugadu.
Ainore Jesus akore nou boe eimijeragei. Nono ure tuie mekido nou imedu pogora pegareu ae. Nono makore ji. Akore: – Me. Aragojedo. Akeragu akudau kodoji atuwo tabo aibagi awai ka.
Ča nou imedu ure turagojedo rugadu. Meru pegakare dukodire uture tuwai ka rugadu. Nou boe eiamedu boe erdure nou rore aino duji. Erore ta je. Mare emago pemegare Pao Kurireuji. Egore emaie roino Jesusji uwo nou imedu pogora pegareu pemegago.

Jesus uture nou boe epiji. Kodure awaraji dukeje jordure ure tugeragu boe enoe mori jiwu imeduji. Du iere Mateus. Nou Mateus mugure nono ira keje. Nonore ure tugeragu dieroji boe epiji tuwo maku boe eimijera kurireu ai. Nono Jesus makore ji. Akore: – Ako itabo.
Nono Mateus ure turagojedo. Ure tugera ra tumaragodae piji tuduwo Jesus apo rugadu.
Mateus makore Jesusji okwagewo tuwai keje pudabo. Dukodire Jesus uture Mateus apo toro uwai ka. Jesus ure jorduwadowuge eture Jesus apo jamedu. Boe emagare nono togwage tabo ebo. Imposto diero makudure aiwuge ime nure emage. Boe egore ro pegareuge enuie emage. Ia boe etaidukare jiwuge eragojere nono Jesus apo jamedu. Fariseu doge etaregodure toro etae jamedu. Erdure Jesus rore jiboeji dukeje emagore nou Jesus ure jorduwadowugei. Egore: – Kočare tagimijera okwagere awu ro pegareugebo? Ukare turugadu!
Jesus meardure egoino duji dukeje makore nou fariseu doge ewadaru jipagi. Akore: – Jorubo kuru epa jemarumodukare kogodukareuge ewagai. Mare kogodureuge ewagaire jemarumode tuwo epemegago. Irore nono nou jorubo kuru epa ro mogadure. Mare jorubo kuru epa ji karega inagoino. Itaregodure woe mare ro pemegareuge ewagai karega iroino. Ro pegareuge ewagaire iroino ewo tugera ra turo pegareu piji. Dujire inagoino. Marigudu Pao Kurireu ure tawie. Tagaiwodo nou Pao Kurireu bagai. Akore: “Boe emode boe egu barogo rogu kowu tuwo maku inai turo pegareu moriče. Mare itaidure boe enogudugoduwo puapo rugadu. Dujire itaidure rugadu.” Ainore Pao Kurireu akore marigudu. Ča tarduwado nou bataruji tameartoruwo ji tarore jiboe tabo.

Ia meri keje João Batista ure jorduwadowuge etaregodure Jesus ae. Egore: – Ia meri keje čenogwagemodukare nou meriji čemagowo Pao Kurireu bagai baruto nou meri keje. Ainore čerore. Fariseu doge eromode aino jamedu čero mogadure. Kodiba nou are jorduwadowuge erokare aino jamedu?
Jesus makore ewadaru jipagi. Akore: – Ire nono uwiremodewu imedu mogadure. Boe etuwirere dukeje boe ere tuwadae towuje. Nou ewadae kejere boe enogwagemode rugadu. Ewadae reno. Ekiarigodumodukare nou meriji. Mare ewadae akedure dukeje uwirereu imedu utumode epiji toreduje apo. Dukejere čare boe emode ia meri tawuje togwagekawo nou meriji tumagowo Pao Kurireu bagai baruto nou meriji. Ire nono nou uwiremodewu imedu mogadure. Mare uwiremodewu imedu ji karega inagoino. Ire inagoino. Ire irawuje baru piji mato boe ewagai. Mare ia meri keje itumode nou boe epiji. Dujire inagoino. Itumode nou boe epiji dukeje boe emode ia meri tawuje togwagekawo nou meriji tumagowo Pao Kurireu bagai baruto nou meri keje. Dujire inagoino. Boe ekudau areia pegagodureu umode tuwowuje. Mare boe emodukare tugudau areia maiwu kado tuwo nou tugudau pegagodureu poro miwuje tabo. Boe eromode aino dukeje nou ekudau areia maiwu gigirimode. Dukodire umode tuwowuje nou boe ekudau areia pegagodureu piji kuri je rugadu. Dukodire nou ekudau areia pegagodureu umode tuwowuje ja je pugeje. Boe ere tapira biri maiwu pemegado nou tuge vinho kuru maiwu jače. Mare emode vinho kuru maiwu tugu tapira biri čodureuto dukeje nou tapira biri čodureu umode tuwowuje. Nono nou vinho kuru umode tuwarigu nou tapira biri čodureu piji rugadu. Dukodire boe ekare tuge vinho kuru maiwu tugu tapira biri čodureuto. Ere tuge vinho kuru maiwu tugu tapira biri maiwuto tu tu je.
Ainore Jesus akore. Mare areia ji karega akoino. Vinho kuru ji karega akoino. Tuwadaru maiwu jire Jesus akoino.

Jesus akoino dukeje ia boe eimijera aregodure ae. Ure tubu jodo moto keje Jesus jokorai. Makore Jesusji. Akore: – Itonaregedu aredu bire aino maigodu. Mare atudo itabo iwai ka awo akera bu nou itonaregedu aredu biri keje dukeje jewodumode pugeje.
Jesus ure turagojedo tumuga piji. Uture nou boe eimijera apo toro uwai ka ture jorduwadowugebo.
Ekodure awaraji dukeje ia aredu kodure ebo Jesus rekodaji. Marigudu nou aredu kogodaere tu tu je. Nou aredu ku rere piji nono areme etorewudae mogadure. Mare nou aredu o akedukare piji. Re kimonure piji meri jameduji. Joru oto padu kejeboere doze nou aredu ku rere piji duji. Aino nou aredu makore tudada. Akore: – Imode ikera otorogu jetudo Jesus ukudau areiaji dukeje ipemegagodumode.
Ainore nou aredu akore tudada. Dukodire nou aredu ure tugera raido. Nono iera otorogu jeture Jesus ukudau areiaji. Nono Jesus ure tuie mekido. Jordure nou areduji rugadu. Akore: – Are. Ameartorure i rugadu. Dukodire apemegagodumode rugadu.
Nono nou aredu pemegagodure tači je rugadu.
Nono Jesus aregodure nou boe eimijera uwai ka. Boe emagare nono tragudu tabo. Edukiorokare. Nou boe ere tuwabo ako rakado jamedu. Jesus jordure nou inoduji dukeje makore nou boei. Akore: – Tadawuje awu bai piji. Aredu rogu bikare. Unudunure tu je.
Mare nou boe erduware nou nogwaredu bire rugadu duji dukodire enogwarigodure Jesusji. Mare nou boe eimijera ure nou boe etawuje tuwai piji. Dukejere Jesus ure turemo nou nogwaredu padure tadawu baito. Dukeje ure tugeragu nou nogwaredu ieraji. Nono nou nogwaredu jewodure pugeje rugadu. Ure tumugudo rugadu. Nou boe erduware nou inoduji dukodire ereadodure boe eiamedu boe ewiagai awu Jesus rore jiboeji nou moto jamedu boe parugajeje.

Nono Jesus uture pugeje. Mare ia ime joku bokwareuge ekodure Jesus rekodaji. Ere pobe. Ekudugodure Jesus bagai. Egore: – Mariguduwu Judeu doge eimijera kurireu Davi uwobe nure aki. Akogudugo čedabo.
Jesus ure turemo ia baito. Nono nou ime joku bokwareuge ere turemo Jesus rekodaji. Etaregodure Jesus ae rugadu. Jesus makore ei. Akore: – Tameartorure i imode tabemegago duji rugadu kana?
Egore: – Uu. Čegimijera nure aki.
Dukejere Jesus ure tugera bu eku keje. Nono makore ei. Akore: – Tameartorure jiboe jetuwo pudui tai rugadu.
Nono epemegagodure tači je rugadu. Etaiwore pugeje rugadu. Mare Jesus makogodure ei. Akore: – Tareadodukaba boe ewiagai awu irore jiboeji.
Mare eture Jesus piji dukeje ereadodure Jesus rore jiboeji boe eiamedu boe ewiagai nou moto rugadu boe parugajeje.
Eture dukeje iage etaregodure ia imedu apo Jesus bagai pugeje. Nou imedu mako bokware. Roiwakare tumagowo. Bope meture tada kodi. Mare Jesus ure nou bope tawuje nou imedu piji dukeje nou imedu makore pugeje. Boe emagare nono tuiordure Jesus roino jitu tabo. Eiamedu boe ebogodure rugadu. Egore: – Marigudu Israel moto kejewu boe erdukare ia awu inodu boeji jii aino.
Mare fariseu doge etaidukare Jesus rore jiboeji. Emago pegare ji. Egore: – Bope doge eimijera kurireu raka tabore awu Jesus roino tuwo bope doge etawuje boe epiji.

Jesus kodure nou moto jamedu boe parugajeje boe eda jamedu boe ka. Aregodumode ia boe eda ka dukeje ure turemo nou Judeu doge ere bato pui towu baito. Nonore ure erduwado tuwadaru pemegareuji tu tu je. Ure ewie Pao Kurireu umoduie boe eimijerado pudumi kuri je rugadu. Ure kogodureuge eiamedu boe epemegago jamedu. Boe emagare Jesus apo tu tu je. Jesus jordure nou boei dukeje okudugodure ebo rugadu. Akore eie nono ovelha doge emogadure. Jetu pemegare eiwu bokwaie. Boe pegaie ei. Erduwakaie nuba turomode. Mare ovelha ji karega akoino. Nou boe eroiwakare tuwo tuginorudo. Dujire akoino. Ure erduwado Pao Kurireu bataru remawu jiwu bokware. Dujire akoino. Nono Jesus makore ture jorduwadowugei. Akore: – Boepa kurire rugadu. Nou boepa tadaboe ure turugadu boe ewo kado. Mare umode boepa tadaboe kadowuge emagakare. Dukodire tamagodo baruto Pao Kurireu bagai. Boepa jiwu boe eimijera kurireu nure ema. Tamagodo ji maragoduwo boepa jiwuge emagawo etuwo boepato ewo boepa tadaboe kado rugadu.
Mare boepa ji karega Jesus akoino. Meartorumode Pao Kurireu jiwugeire akoino. Boe emode boe erduwado Pao Kurireu bataruji dukeje emeartorumode ji, Pao Kurireu umode ekinorudo. Dujire akoino.

Լսել Mateus 9